अब बढी यात्रु बोके रुट परमिट र लाइसेन्स खारेज

<p>१ भदौ, काठमाडौं ।<br>सिट क्षमताभन्दा बढी यात्रु चढाउने गाडीको रुट परमिट र चालकको लाइसेन्स तत्कालै खारेज हुने भएको छ। कान्तिपुर दैनिकमा समाचार छ। <br>&nbsp;<br>क्षमताभन्दा ज्यादा यात्रु बोकेकै कारण काभ्रेमा सोमबार बस दुर्घटना भएको निष्कर्ष निकाल्दै भौतिक पूर्वाधार तथा यातायात मन्त्रालयले सवारी कानुन उल्लंघन गर्ने सबै सार्वजनिक गाडी, तिनका मालिक र चालकलाई कडा कारबाही गर्ने निर्णय गरेको हो। <br>&nbsp;<br>मन्त्रालयले यातायात व्यवसायी, नेपाल प्रहरी र ट्राफिक प्रहरी अधिकृतसहित सरोकारवालसँग मंगलबार बैठक गरी यस्तो निर्णय गरेको हो। <br>&nbsp;<br>बैठकले रिट क्षमताभन्दा बढी यात्रु चढाएको पाए तत्कालै गाडीको रुट परमिट तथा चालकको लाइसेन्स खारेज र अधिकतम दण्ड जरिवाना गर्ने निर्णय गरेको भौतिक पूर्वाधार तथा यातायात मन्त्री रमेश लेखकले जानकारी दिए। <br>&nbsp;<br>उनका अनुसार मालबाहक गाडीले यात्रु र यात्रुबाहकले सामान बोकेको पाइएमा समेत गाडीको रुट परमिट र चालकको अनुमति खारेज गर्ने निर्णयसमेत भएको छ। <br>&nbsp;<br>मन्त्रालयले बढ्दो गाडी दुर्घटना रोक्न सवारी कानुनमा भएका कमीकमजोरी हटाउन यातायात व्यवसायी, मजदुरसहित सबै सरोकारवालासित परामर्श गरी १० दिनभित्र ऐनको संशोधनको मस्यौदा तयार पार्ने निर्णय गरेको लेखकले बताए ।<br><br></p>