चितवनमा बस एक आपसमा ठोकिदा ४ जनाको मृत्यु, २९ जना घाइते

<p>२ भदौ, चितवन ।<br>गए राती चितवनको फिस्लििङमा दुई बस एक आपसमा ठक्कर खाएर भएको दुर्घटनामा परी मृत्यु हुनेको संख्या ४ पुगेको छ ।</p><p>जिल्ला प्रहरी कार्यालय चितवनले दिएको जानकारी अनुसार अहिलेसम्म गुल्मी घर भएका दुइ मृतक सन्देश गौतम र मञ्जु गौतमको सनाखत भएको छ भने अरु २ जनाको सनाखत हुन बाकी रहेको छ ।</p><p>दुइजनाको शबलाई लाई अहिले भरतपुर अस्पतालमा राखिएको छ । तीनजनाको घटनास्थलमै र एक बालकको चितवन मेडिकल कलेजमा उपचारका क्रममा ज्यान गएको जिल्ला प्रहरी कार्यालय चितवनले जनाएको छ ।</p><p>भैरहवाबाट काठमाडौ जाँदै गरेको लु १ ख ९३६१ नम्वरको बस र काठमाडौबाट धरान जाँदै गरेको ना ४ ख ४५१६ नम्बरको बस चितवनको दारेचोक ९ स्थीत फिस्लिङमा एक आपसमा ठोक्किएर दुर्घटना भएको थियो ।<br><br>&nbsp;२९ जना घाइते मध्ये २० जनाको भरतपुर अस्पतालमा उपचार भइरहेको&nbsp; छ भने बाकी घाइते काठमाडौं पठाइएको प्रहरीले जानकारी दिएको छ । <br></p>