16.23¡ÆC
नुवाकोट । नुवाकोट सुन चादी व्यवसायी संघको शनिबार भएको साधारणसभा पश्चातको अधिवेशनले नया नेतृत्व चयन गरेको छ ।
बट्टाम भएको संघको १२ औ र १३ औ वार्षिक साधारणसभा पश्चात सम्पन्न चौथो जिल्ला अधिवेशनले पुनः अहिलेका अध्यक्ष भिमराज बज्रचार्यलाई अध्यक्ष चयन गरेको हो । अध्यक्ष सहित सम्पूर्ण पदाधिकारीहरु सर्वसम्मत चयन गरिएके छ ।
संघको उपाध्यक्षमा प्रदिप शाक्य, सचिव सबिन अमात्य, कोषाध्यक्ष ईश्वरबहादुर सुनार चयन हुनुभयो । यस्तै, सदस्यहरू नानु गुरूङ, राजकुमार सुनार, शैलेन्द्र बज्रचर्य, सुजनरत्न बज्रचार्य, सन्तोष सुनार र इश्वर विश्वकर्मा सर्वसम्मत चयन गरिएको निर्वाचन अधिकृत नारायण अधिकारीले जानकारी दिनुभयो ।
यसअघि संघको १२ औ र १३ औ वार्षिक साधारणसभाको उद्घाटन विदुर नगरपालिकाको नगरप्रमुख राजन श्रेष्ठले गर्नुभएको थियो । उहाँले सुन व्यावसायी ठूलो लगानी, उच्च सुरक्षा जोखिम, अन्तराष्ट्रिय मूल्यमा हुने तरलता लगायतको कारण समस्याग्रस्त क्षेत्र भएकाले सजग र सचेत भएर व्यावसायमा लाग्न सुझाब दिनुभयो ।
उहाँले सुरक्षाको लागी विगतमा उद्योग बाणिज्य संघले जडान गरेको सिसिटिभी सञ्चालनमा समस्या भइरहेकाले अर्को वर्ष नगरपालिकाले मर्मतसम्भार गरेर सुचारु गराउन लागिरहेको जानकारी दिनुभयो ।
