माओवादीले पाँच मन्त्री छान्यो, काँग्रेसले भागवण्डा मिलाउनै सकेन

<p>३० साउन, काठमाडौं ।<br>प्रधानमन्त्री भएको दुई हप्तामा पुष्पकमल दाहाल ‘प्रचण्ड’ले आइतबार तेस्रो पटक मन्त्रिपरिषद विस्तार गरेका छन् ।<br><br>तेस्रो पटक आफ्नो पार्टी नेकपा माओवादी केन्द्रबाट पाँच मन्त्री थपेपनि उनले न महिला मन्त्री समेट्न सकेका छन् न त सत्ता साझेदार काँग्रेसका मन्त्रीहरुनै थप्न सकेका ।<br><br>मन्त्रीको टुंगो लगाएपछि राष्ट्रपति कार्यालय शितल निवासमा दिउँसो तीन बजे नयाँ मन्त्रीहरुले शपथ खाँदैछन् ।<br><br>यसरी मन्त्री बन्ने भाग्यमानीहरुमा जनार्दन शर्मा 'प्रभाकर', हितराज पाण्डे, राम कार्की, डिआर पौडेल र अजयशंकर नायक रहेका छन् ।<br><br>थपिएका नयाँ मन्त्रीहमध्ये प्रभाकरले उर्जा, कार्कीले सञ्चार, पाण्डेले स्थानीय विकास, पौडेलले शिक्षा र नायकले कानुन मन्त्रालय पाएका छन् ।<br><br>माओवादीले यसअघि नै कृष्णबहादुर महरालाई उपप्रधान तथा अर्थ, दलजीत श्रीपाइली युवा तथा खेलकुद र गौरीशंकर चौधरीलाई कृषि मन्त्रालयको जिम्मेवारी दिइसकेको छ ।<br><br>तर सत्ता साझेदार रहेको नेपाली कांग्रेसले भने पार्टी भित्रका नेताहरुलाई भागवण्डा गरेर नेताहरुको सिफारीस अनुसार नयाँ मन्त्री बनाउन सकेको छैन् ।<br><br>काँग्रेसमा सभापती शेरबहादुर देउवा, रामचन्द्र पौडेल सहित कृष्ण सिटौला लगायतका नेताहरुलाई भागवण्डा गरेर मन्त्री पठाउनु पर्दा सकस परेको हो ।<br><br>नेपाली काँग्रेस भातृ संस्था नेविसंघको महाधिवेशन विवादमा रुमल्लीरहेको छ भने सरकारमा पठाएका मन्त्री र बन्न चाहनेहरुको हानाथापले गर्दा समेत अझै अन्योलमा छ ।<br></p>