18.7¡ÆC
<p>३० साउन, काठाडौं ।<br>वर्तमान सरकारले नक्कली डाक्टरहरुलाई पुन काम थाल्न छुट दिएको भन्दै सार्वजनिक रुपमा चर्को बिरोध हुन थालेपछि प्रधानमन्त्री पुष्पकमल दाहाल प्रचण्डले त्यस्ता आरोपितलाई काम गर्न नदिन निर्देशन दिएका छन् ।<br><br>प्रधानमन्त्रीले नक्कली प्रमाणपत्रको आरोपमा छानबिनको दायरामा रहेका चिकित्सकहरुलाई काममा फर्कन रोक लगाउन निर्देशन दिएका हुन् ।<br><br>आज बिहान स्वास्थ्य मन्त्रालयका सचिव डा. सेनेन्द्र उप्रेतीलाई प्रधानमन्त्री प्रचण्डले आफैं फोन गरेर छानविनको दायरामा रहेका चिकित्सकहरुलाई मेडिकल काउन्सिलबाट निलम्बन गरी बिरामी जाँच्नबाट रोक लगाउन निर्देशन दिएका हुन् ।<br><br>प्रधानमन्त्रीको सचिवालयले यस बारेमा पुष्टि गर्दै नक्कली शैक्षिक प्रमाणपत्रको अभियोग लागेका चिकित्सकलाई बिरामी जाँच्न रोक लगाउन निर्देशन दिएको बताएको छ ।<br><br>प्रधानमन्त्री प्रचण्डले टेलिफोनमा स्वास्थय मन्त्तालयका सचिव उप्रेतिलाई भने ‘नक्कली भनिएका डाक्टरहरुले हिरासतमुक्त भएपछि फेरि बिरामी जाँच्न थालेको जानकारी आएको छ ।‘तपाईले तत्काल ती डाक्टरहरुलाई मेडिकल काउन्सिलबाट निलम्वन गरी बिरामी जाँच्नबाट रोक्नुहोस् ।’<br><br>स्मरणीय छ प्रहरीको केन्द्रीय अनुसन्धान ब्युरोले ‘अप्रेसन क्वाक’ अन्तर्गत गत असारमा पक्राउ गरेका ३७ चिकित्सकलाई मेडिकल काउन्सिलले निलम्बन नगर्दा उनीहरू अदालतबाट तारेखमा छुटेर फेरी बिरामी जाँच्न थालेका छन् ।<br><br>नेपाल मेडिकल काउन्सिलले नक्कली भनेर प्रहरीले दावी गरिरहँदा समेत हालसम्म उनीहरूको लाइसेन्स निलम्बन गरेको छैन ।<br><br>नक्कली डाक्टरलाई मेडिकल काउन्सिलको पूर्ण बैठकले मात्र निलम्वन गर्न सक्ने व्यवस्था छ । तर अघिल्लो सरकारका विवादीत स्वास्थ्यमन्त्री रामजनम चौधरीले काउन्सिललाई पूर्ण बैठक नबस्न निर्देशन दिंदै नक्कली डाक्टरलाई उन्मुक्ति दिएको बताइएको छ ।<br><br></p>
