21.12C
काठमाडौँ । ‘जेन–जी’ आन्दोलनका कारण बीचैमा रोकिएको दोस्रो संस्करणको एभरेस्ट महिला भलिबल लिगका बाँकी खेलहरू आउँदो कात्तिक २६ देखि २९ गतेसम्म हुने भएको छ ।
बाँकी खेलहरू काठमाण्डौमै सम्पन्न गर्ने र संशोधित खेल तालिका चाँडै सार्वजनिक गर्ने आयोजक इन्फिनिटी ड्रिम्सले आज विज्ञप्ति निकालेर जानकारी गराएको छ ।
लिग रोकिनुअघि प्रतियोगितामा १६ मध्ये ९ खेल सम्पन्न भइसकेका छन् । यी खेलहरू पोखरामा भएका थिए । अब ७ खेल बाँकी छ । ६ वटा टोली सहभागी प्रतियोगितामा ललितपुर क्वीन्स शीर्ष, कर्णाली यशविस दोस्रो र मधेश युनाइटेड तेस्रो स्थानमा छन् ।
प्रतियोगितामा ललितपुर, कर्णाली, मधेशसहित, काठमाण्डौ स्पाइकर्स, पोखरा निन्जाज र लुम्बिनी लाभा सहभागी छन् ।
