18.7¡ÆC
नुवाकोट । तारकेश्वर गाउँपालिका वडा नं. ३ का सबै विद्यालयमा आकस्मिक अनुगमन गरिएको छ । गाउँपालिका अध्यक्ष शिव अधिकारी ‘अविरल’को निर्देशनमा शिक्षा सहजकर्ता मञ्जु प्रधानको नेतृत्वमा गाउँ प्रहरी सहितको टोलीले अनुगमन गरेको हो ।
अनुगमनका क्रममा प्रशासकीय कमजोरीहरू पाइएकोले अध्यक्ष अधिकारीले ती कमीकमजोरी तत्काल सुधार गर्न विद्यालयहरूलाई निर्देशन दिनुभएको छ । उहाँले गुणस्तरीय र बालमैत्री शिक्षा सुनिश्चित गर्न नयाँ र परिष्कृत तरिकाबाट अघि बढ्नुपर्नेमा जोड दिनुभयो ।
केही विद्यालयमा भौतिक पूर्वाधार तथा शैक्षिक सामग्रीको अभाव देखिएको भन्दै गाउँपालिकाले तुरुन्तै सुधारका काम सुरु गर्ने जानकारी गराइएको छ । साथै, जातीय मौलिक पोशाक तथा ‘बुक फ्री डे’ जस्ता कार्यक्रमलाई पूर्ण रूपमा प्रभावकारी बनाउने विषयमा पनि विशेष ध्यान दिन निर्देशन दिइएको छ ।
