14.67¡ÆC
रसुवा । कान्तिपुर टेलिभिजनका रसुवा संवाददाता बलराम घिमिरे सम्मानित भएका छन् । जिल्लाको कालिका हिमालय माध्यमिक बिद्यालयको स्वर्ण जयन्ती अर्थात ५० औं वार्षिक उत्सवको अबसरमा संवाददाता घिमिरे सम्मानित भएका हुन । उपप्रधान तथा सहरी विकासमन्त्री प्रकाशमान सिंहले संवाददाता घिमिरेलाई सम्मान पत्रबाट सम्मान गरेका हुन् ।
कान्तिपुर टेलिभिजनका रसुवा संवाददाता बलराम घिमिरे उक्त विद्यालयको भुतपुर्व विद्यार्थि हुन । सोे विद्यालयमा अध्यान गरेका घिमिरेले २० वर्ष देखि पत्रकारिता क्षेत्रमा संलग्नरहि समग्र जिल्ला तथा विद्यालयलाई पुर्याउनु भएको योगदानको उच्च मुल्यांकन गर्दै सम्मान गरिएको विद्यालयले बताएको छ ।
साथै उपप्रधान तथा सहरी विकासमन्त्री प्रकाशमान सिंहले स्थितरता दिनका लागि दुई दल मिलेर सरकार गठन गरिएको बताए । उनले भने “यस अगाडि बनेका सरकार धेरै समय टिकेनन्, छिनछिनमा परिवर्तन भए, जनताले पनि आवाज उठाउन थाले, एउटा देश विकासमा योगदान गर्न नेकपा एमाले संग सहकार्य गरिएको हो ।
स्वर्ण जयन्तीकै अबसरमा बिध्यालयमा अध्यायन गरेर उच्च तहमा पुगेका छात्र ,छात्रा तथा बिध्यालय ब्यबस्थापन समिति का साथै पूर्ब शिक्षकहरुलाई सम्मान गरेको थियो । कार्यक्रममा प्रतिनिधि सभाका सदस्य मोहन आचार्य, प्रतिनिधि सभाका सदस्य राजन के शी तथा संबिधान सभा सदस्य जर्नादन ढकाललेलगायतकाले बिध्यालयको स्वर्ण जयन्तीका अबसरमा शुभकाना मन्तब्य ब्यक्त्त गरेका थिए।
