केहि दिनदेखि जारी बर्षाका कारण देशका बिभिन्न भाग जलमग्न

<p>१० साउन, काठमाडौं ।<br><br>केहि दिनदेखि जारी बर्षाका कारण देशका बिभिन्न भाग जलमग्न भएको छ । <br><br>लगातारको बर्षाले उदयपुरका दुई दर्जनभन्दा बढी घर र मोरङका छ सय परिवार बिस्थापित भएका छन् । <br><br>बर्षाकै कारण झापामा झण्डै ९ सय घरपरिवार बिस्थापित भएका र झापाका मेची कनकाई रतुवा लगायतका नदीहरुमा ठुलो बाढी आएको छ । <br><br>महाकाली नदीमा पानीको सतह बढेपछि बैतडीको तल्लो स्वराढ क्षेत्रका घाटहरु बन्द भएको छ । <br><br>पानीको बहाब बढेपछि सप्तकोशी व्यारेजका ५६ मध्ये ३० वटा ढोका खुल्ला गरेको छ । <br><br>कमला नदीको बाढीले मेला भर्न गएका चार जनालाई बगाएको छ । <br><br>बेपत्ता हुनेमध्ये महोत्तरी बर्दीबासका २१ बर्षिय मनोज योगी मृत फेला परेको छ भने अन्य ३ जनाको खोजी कार्य जारी छ । <br><br>यसैगरी उदयपुरको पूर्वी गाविस रामपुरठोक्सिलामा खोलाले बगाउदाँ एक महिलाको मृत्यु भएको छ भने&nbsp; तिन घर र चौपाया समेत बगाएको छ । <br><br>स्थानीय गुहे खेलाको बाढीले बगाउदाँ सोमबार ठोक्सिला– २ खोरिया टोल बस्ने ४० बर्षिय कालिमाया राईको मृत्यु भएको प्रहरीले जनाएको छ । <br><br>त्यसैगरी ठोक्सीला १ डुडखोलाले तिन वटा घर बगाएको छ । खोलाको छेउमै रहेको जगत बहादुर&nbsp; राई लगायतको ३ घर बगाएको छ । <br><br>यस्तै सप्तरी जिल्लामा बाढीबाट अति प्रभावित तीन गाविसका एक हजार भन्दा बढी घरपरिवारालई राहत वितरण गरेको छ । <br><br>जिल्ला विकास समिति सप्तरीको सहयोगमा जिल्ला दैवी प्रकोप उद्धार समिति सप्तरीले बाढीबाट अति प्रभावित सकरपुरा, कोलाडी बसाइन र बिषहरिका गरी करिब एक हजारभन्दा बढी घर परिवारलाई&nbsp; राहत स्वरुप भूजा, चिउरा, भुजिया र नुन वितरण गरेकोे प्रमुख जिल्ला अधिकारी बलदेव गौतमले जानकारी दिनुभयो । <br><br>नेपाल रेडक्रस सोसाइटी, नेपाल प्रहरी, सशस्त्र प्रहरीको सहभागितामा राहत वितरण गरेको प्रहरी उपरीक्षक भीमप्रसाद ढकालले बताउनुभयो ।<br><br>सप्तरीमापनि बाढीले बगाएर एकजना युवकको मृत्यु भएको छ ।<br><br>खडो खोलामा आएको बाढीले गर्दा गर्दा कुनौली सडक खण्ड कटान भएपछि बाटो हिंडिरहेको २३ बर्षिय युवाक मोरङ्ग जतुवा ५ बस्ने सुजित कुमार यादव कटानलाई पारगर्न खोज्दा डुबेर मृत्यु भएको जिल्ला प्रहरी कार्यालय सप्तरीले जनाएको छ । <br><br></p>