नेपाल फेस्टिवलमा दुतावासबाट सहयोग नपाएको एनआरएन जापानको गुनासो

<p>१० साउन, टोकियो ।<br>आउँदो अगष्ट ६ र ७ तारिखमा जापानमा हुन लागेको नेपाल डे फेस्टिवलको तयारी तिव्र भइरहँदा नेपाली दुतावास जापानबाट सक्दो सहयोग नपाएको एनआरएन जापानले गुनासो गरेको छ ।<br><br>गैर आवासिय नेपाली संघ जापानका अध्यक्ष सुदन थापाले सामाजिक सञ्जाल फेसबुकमा नै लेखेर दुतावासबाट अपेक्षा गरे अनुसार सहयोग नपाएको बताउनुभएको हो ।<br><br>सामाजिक सञ्जाल फेसबुकमा शुक्रबार दुतावासले नेपालको गर्वसँग जोडिएको विषयमा सक्दो सहयोग नगरेको भन्दै अध्यक्ष थापाले यस्तो लेख्नुभएको छ<br>जापानमा बृहत छलफल तथा बहस गर्न जरुरि छ ,नेपाली राजदुताबास टोकियो को नेपाल र नेपाली को गर्ब ,प्रतिष्ठा संग प्रत्यक्ष सरोकार राख्ने नेपाल फेस्टिबलमा कस्तो भूमिका रहनु पर्छ भन्ने बारे !!<br>सन्दर्भ स् नेपाल फेस्टिबल २०१६<br>आउनुहोस !<br>अब जिम्मेवारी तपाई हामी सबै मा हातेमालो गरौ !!<br>नेपाली हुनुमा गर्ब गरौ !!!<br>नेपाल फेस्टिबल २०१६ सफल बनाऊ !!!!<br><br>यसैगरि थापाले अर्को एक स्टाटस लेख्दै आफुहरुले देश भनेर नेपालको पर्यटन र प्रचारको लागि भनेर दिनरात खटिएर काम गर्दा समेत दुतावासले फेसबुकबाट मात्र प्रचार गरेर सक्दो सहयोग नगरेको भन्दै यस्तो लेख्नुभएको छ ।<br><br>हामी देश देश भनेर ! अथिति देबो भब स् नारा सहितको नेपाल फेस्टिवल सफल गर्नु पर्छ , नेपाल जापान कुटनितिक सम्बन्ध को ६०औ बर्ष गाठ व्यापक रुपमा मनाउनु पर्छ भनेर कम्मर कसेर लागेका जापान बासी हामी नेपाली तर बिडम्बना सम्बन्धित निकाय राजदुताबास टोकियो मौन दर्शक !!!<br>कि फेशबुक मै मात्र मनाउने हो कि नेपाल फेस्टिवल र ६०औ वर्ष गाठ ?<br>सम्बन्धित निकायको समयमै ध्यान जाओस !!!<br><br>सामाजिक सञ्जालमा दुतावासबाट कस्तो सहयोग नपाएको भन्ने स्पष्ट नखुलाउनुभएपनि एनआरएन अध्यक्ष थापाले सबै नेपालीले हातेमालो गरेर नेपाल डे फेस्टिवल सफल पार्न लाग्न र हातेमालो गर्न सबै नेपालीहरुसँग आग्रह गर्नुभएको छ ।<br><br></p>