7.12C
त्रिशूली । कम्प्युटर एशोसिएसन नेपाल महासङ्घ (क्यान) जिल्ला शाखा नुवाकोटको अध्यक्षमा नारायणकुमार घले निर्वाचित भएका छन् । शनिबार बट्टारमा भएको महासङ्घ, नुवाकोटको तेस्रो जिल्ला अधिवेशनले नारायणकुमार घलेलाई सर्वसम्मत अध्यक्ष चयन गरेको हो । यहाँको अध्यक्षतमा सात सदस्यीय कार्यसमिति गठन भएको छ ।
कार्यसमितिको उपाध्यक्षमा तारा रिमाल (नेपाल), सचिवमा सुनिल श्रेष्ठ, कोषाध्यक्षमा अजय नगरकोटी र सहसचिवमा विशाल सापकोटा चयन हुनुभएको छ । यस्तै, महासङ्घको सदस्यहरुमा रामकृष्ण देवकोटा र हेमन्तराज घिमिरे सर्वसम्मत चयन हुनुभयो ।
निर्वाचित पदाधिकारीलाई क्यान महासङ्घका केन्द्रीय महासचिव चिरन्जिवी अधिकारी, सचिव शेखरनाथ दुलाल र क्यान महासङ्घ नुवाकोटका निवर्तमान अध्यक्ष पवन नेपालले संयुक्तरुपमा टिका र खादा लगाई प्रमाणपत्र प्रदान गरेका थिए ।
संस्थागत र व्यक्तिगत रुपमा आबद्ध सदस्यहरुबाट सर्वसम्मत नयाँ कार्यसमिति चयन गरिएको महासङ्घले जनाएको छ ।
सूचना तथा सञ्चार प्रविधि क्षेत्रको संस्थागत विकाका लागि सन् १९९२ मा गैरनाफामूलक संस्थाको रूपमा स्थापित कम्प्युटर एसोसिएसन नेपाल (क्यान) महासंघ सूचना तथा सञ्चार प्रविधि क्षेत्रमा कार्यरत जनशक्ति विज्ञ, र व्यवसायीहरूको छाता संगठनको रुपमा क्रियाशिल रहेको छ ।
