21.12C
त्रिशूली । सौर्य एयरलाइन्सको विमान दुर्घटनामा ज्यान गुमाउनेमध्ये पाँच जानाको शव आफन्तले बुझेका छन् ।
यही बुधबार त्रिभुवन अन्तर्राष्ट्रिय विमानस्थलमा भएको बिमान दुर्घटनामा परेर ज्यान गुमाएका मध्ये तारकेश्वर गाँउपालिका वडा नंं २ माझीगाउँका नवराज आलेमगरको परिवार सहित १३ परिवारले कम्पनी प्रति राखेको माग सम्बोधन नभएको भन्दै शव बुझ्न अस्वीकार गरेका छन ।
शुक्रबार त्रिभुवन विश्वविद्यालय शिक्षण अस्पतालबाट मृतकका आफन्तले शव बुझेको अस्पताल प्रशासनले जनाएको छ । विमान दुर्घटनामा ज्यान गुमाएका मध्ये उद्धव पुरी, अश्मिन निरौला, श्याम विन्दुकर, राजाराम आचार्य र को–पाइलट सुशान्त कटवालका परिवारले शुक्रबार शव बुझ्नुभएको हो ।
दुर्घटनामा ज्यान गुमाएका अन्य व्यक्तिका परिवारले भने बीमा तथा क्षतिपूर्ति लगायतका माग पूरा नभएसम्म शव नबुझ्ने अडान राख्दै आउनुभएको छ ।
विमान दुर्घटनामा १८ जनाको मृत्यु भएको थियो भने क्याप्टेन मनिषरत्न शाक्य घाइते हुनुभएको थियो । उहाँको केएमसी अस्पतालमा उपचार भइरहेको छ ।
