5.12C
त्रिशूली । राष्ट्रिय परीक्षा बोर्डले कक्षा १२ को नतिजा अर्को साता सार्वजनिक गर्ने जनाएको छ ।
अहिले म्याचिङ र प्रोसेसिङको काम भइरहेको बोर्डले जनाएको छ । परीक्षा नियन्त्रक कृष्णप्रसाद शर्माले साउन तेस्रो हप्ताभित्र सार्वजनिक गर्ने तयारी भईरहेको जनाउदै त्यही अनुसार काम भइरहेको बताउनुभएको छ ।
कक्षा १२ को परीक्षा गत वैशाखमा भएको थियो । परीक्षामा चार लाख ९६ हजार विद्यार्थी सहभागी भएका थिए । बोर्डका अनुसार नियमिततर्फ तीन लाख ९० हजार र ग्रेडवृद्धितर्फ एक लाख ६ हजार परीक्षार्थी रहेका छन् ।
देशभर एक हजार ५२५ परीक्षा केन्द्र र जापानमा एक परीक्षा केन्द्र मार्फत परीक्षा सञ्चालन भएको थियो ।
