18.12C
नुवाकोट । नुवाकोटको किस्पाङ गाउँपालिकाले अपाङ्गता भएका व्यक्तिहरुलाई मौरी घार र अपाङ्गता भएका ५ जना बालबालिकाहरुलाई शैक्षिक सामाग्री वितरण गरेको छ ।
समुदायमा आधारित पुनस्थापना कार्यक्रम अन्तर्गत किस्पाङ गाउँपालिकाका ५ वटै वडाबाट ४/४ जना गरी जम्मा २० जना अपाङ्गता भएका व्यक्तिहरुलाई जिविकोपार्जनका लागि मौरीपालन सहयोगमा मौरी सहित मौरीको घार र अपाङ्गता भएका ५ जना बालबालिकाहरुलाई शैक्षिक सामाग्री सहयोग गरेको हो ।
कार्यक्रममा किस्पाङ गाउँपालिकाका उपाध्यक्ष अर्जुन प्रसाद न्यौपानेले आगामी बर्षमा पनि यस्तै कार्यक्रमहरु ल्याउने जानकारी गराउनु भयो ।
कार्यक्रममा किस्पाङ गाउँपालिकाका प्रमुख प्रशासकीय अधिकृत केदार प्रसाद खतिवडा, लेखा अधिकृत सबिना अर्याल लगाएतको सहभागिता रहेको सूचना तथा संचार प्रविधि अधिकृत मोतीमाया तामाङले जानकारी दिनुभयो ।
