15.53¡ÆC
नुवाकोट । नुवाकोटको विदुर नगरपालिका वडा नम्बर १ त्रिशूली बजार र यस आसपसका ३४० घरपरिवारलाई विद्युतीय चुलो अर्थात इन्डक्सन वितरण गरिएको छ । वडाबासीको भान्सा प्रदूषणरहित र धुवाँरहित वडा निर्माणका लागि वैकल्पिक ऊर्जा प्रवर्द्धन केन्द्रको सहयोगमा विद्युतीय चुलो वितरण गरिएको वडाध्यक्ष लेनिन रञ्जितले जानकारी दिनुभयो ।
उहाँको सभापतित्वमा भएको एक कार्यक्रमको बीच विदुर नगरपालिकाको उपमेयर प्रभा बोगटीले वडा नं. १ बासिन्दालाई सहुलियतपूर्ण अनुदानमा विद्युतीय चुलो वितरण गर्नुभएको हो ।
बिदुर नगरपालिका वडा न १ को कार्यालयले आफ्नो वडा धुवाँरहित बनाउन तथा ग्यासको प्रतिस्थापन गर्नका लागि विद्युतीय चुलोको प्रयोग गराउन अभियान सञ्चालनमा ल्याएको छ ।
वडा कार्यालयको अग्रसरतामा वडाबासीका लागि वैकल्पिक ऊर्जा प्रवर्द्धन केन्द्रको ७० प्रतिशत रकम अनुदान र स्थानीय नागरिकले ३० प्रतिशत बेहोर्ने गरी वडा कार्यालयले विद्युतीय चुलो प्रयोग अभियानकै रुपमा पहिलोपल्ट सुरु गरिएको वडा अध्यक्ष लेनिन रन्जितले जानकारी दिनुभयो । वितरण गर्न बाँकी रहेकालाई क्रमशः आगामी दिनमा सम्बोधन गरिने उहाँको भनाई छ ।
