21.56¡ÆC
<p>३१ असार, काठमाडौं ।<br>मध्यपुरथिमि नगरपालिका १६ मनोहरा स्थित बीपी आँखा, नाक, कान, घाँटीको बाल अस्पताल तथा पुर्नस्थापना केन्द्रमा रेटिना आई केयर नेपाल आयोजना सुरु भएको छ । <br><br>जापानको टोकुसिमा विश्वविद्यालयको समन्वय एवं जाइकाको ३ करोड ५४ लाख रुपियाँको लागतमा आयोजना आजदेखी सुरु भएको हो । <br><br>आयोजनाको उद्घाटन गर्दै नेपालका लागि जापानी राजदूत मासाच ओगावाले नेपाल र जापानको सम्बन्ध एकदमै सुमधुर रहेको र यस कार्यक्रमले दुईदेश बिचको सम्बन्ध अझ उचाईमा पुग्ने विश्वास व्यक्त गर्नुभयो ।<br><br>बिपी आई फाउण्डेसनका अध्यक्ष पूर्णचन्द्र कर्माचार्यले नेपालमा जटिल समस्याको रुपमा रहेको आँखाको रेटिना उपचारमा आयोजनाले सहयोग पु¥याउने बताउनुभयो । <br><br>कार्यक्रममा जाइका नेपालका प्रमुख प्रतिनिधी जुन साकामा, टोकुसिमा विश्वविद्यालयका उपकुलपति तोसिहिको नेगेट, र आयोजनाका नेपाल स्थित प्रतिनिधी प्राध्यापक डा. नाइटोले आयोजनाबाट सञ्चालन गरिे सेवाका बारेमा जानकारी गराउनुभएको थियो ।<br><br></p>
