भोग्नेहरुको अनुभव-‘जापान आउंदै हुनुहुन्छ भने राम्रो संग बुझेर मात्र आउनुहोला’

<p><b>सुमन लाकोजु-<br></b><br>आज मनमा केहि लेखौं लेखौं लगेर आफ्नो जापानमा आउँदाका केहि अनुभव बारे लेख्ने प्रयास गर्दैछु केहि त्रुटी भए माफ गर्नुहोला ।<br><br>2014 को अप्रिलमा जापानको चिवा केनको インターナショナルスクール船橋 मा भाषा बिद्यार्थीको रुपमा आएको म ,मनमा विभिन्न सपनाहरु थिए ।</p><p>तर जब जापानको बास्तविकताबारे आफैंले अनुभव गरे बिद्यार्थी भएर बस्न नेपालबाटै राम्रो तयारी गरेर मात्र आउनु पर्ने कुराको ज्ञात भयो ।<br><br>सुरुका 4 महिना भाषाको कमीका कारणले काम पाईन ,घरबाट लिएर आएको पैसाले जेनतेन जीवन यापन गरे ।<br><br>कति साथीहरु त घर फर्कने कुराहरु समेत गर्न थाल्नुभो तर एक अर्कालाई ढाडस दिंदै भाषमा मेहेनत गर्न थाल्यौं शिक्षकहरुको मायालु बातावरणको पढाईले पनि धेरै सहयोग मिल्यो र बिस्तारै विद्यालयले पनि कामको लागि सहयोग गर्नुभयो ।<br><br>सबै तिरको व्यवस्था मिलाउदै, काम गर्दै साथै पढाई पनि गर्दै गर्दा अहिले भगवानको कृपाले जापानको SANKEI TRAVEL मा काम गर्दैछु ।<br><br>हामी नेपाली बिद्यार्थीहरुको जापानमा आएर रुख मै पैसा टिप्न पाउछ भन्ने मानसिकता छ ,तर बास्तविकता त्यो होइन पहिला आफू जापान आउने जग नेपालमै बसाल्नु पर्ने कुरा सत्य हो ।<br><br>नेपालमै अलि राम्रो भाषा बनाएर आएमा यहाँ त्यति गारो नहुने रहेछ । हामी नेपालीमा ज्ञानको कमि छैन तर त्यो ज्ञान यहाँ आएर उपयोग गर्नको लागि नेपालबाटै तयारी गरेर आउनुहुन साथै जापानमा पनि अथक प्रयास एवं मेहेनत आवस्यक छ ।<br><br>कोहि जापान आउंदै हुनुहुन्छ भने यहाँको बारेमा राम्रो संग बुझेर मात्र आउनुहोला ।<br></p>