अमर गोविन्द केसिहरु :सुरज दाहाल

<p>गोविन्द केसी कुनै दलका झोला हैनन् <br><br>जो तिम्रो जिउमा झुण्डेर बाचुन <br><br>गोविन्द केसी कुनै दलालका झण्डा हैनन<br><br>जो तिम्रो इशारामा नाचुन<br><br>गोविन्द केसी बिक्रीमा राखिएका खेलौना हैनन <br><br>जो तिम्रा व्यापारीले खरिद गर्न सकुन <br><br><br><br>अप्रिय लोकमान,<br><br>गोविन्द केसी तिम्रा भाईभारदार पनि हैनन <br><br>जसले मेडिकल कलेज खोलेर तिम्रो खल्ती भर्न सकुन ।<br><br><br><br>प्रिय जनता <br><br>गोविन्द केसी तिम्रा भ्रष्ट नेता हैनन <br><br>जो चुनाव चुनावमा भोट माग्न आउनेछ्न ,<br><br>गोविन्द केसी बिरामी जाजरकोटे दाईका आशा हुन<br><br>जसले बाचेर भोको परिवार पाल्नु छ <br><br>गोविन्द केसी बिरामी कालीकोटे भाइका भरोसा हुन <br><br>जसले बाचेर भविष्यको सरकार समाल्नु छ ,<br><br><br><br>केहि थान शासकहरु,<br><br>आतिएर डराएर बेहोसीमा आफ्नै अन्त्यका दिन गन्दैछन <br><br>अनि थर-थर काप्दै भन्दैछन ,<br><br>&nbsp;&nbsp;&nbsp;&nbsp;&nbsp; "डाक्टर गोविन्द केसी पागल हुन उपचार गर"<br><br>हो डाक्टर गोविन्द केसी बहुलाए ,<br><br>गुजरात र हाइटिमा भूकम्प जादा , <br><br>बर्मामा तुफान आउदा अनि जाजरकोटमा महामारी छाउदा<br><br>मानवताको शोकमा परोपकारको भोकमा<br><br>हरेक पटक डाक्टर गोविन्द केसी पागल भए,<br><br>&nbsp;<br><br>&nbsp;शासकहरु, घरघर बाट गोविन्द केसि निस्कदै छ <br><br>पागल भन्छौ कतिलाई ? <br><br>तिम्रो अन्त्य निकट छ सति लान्छौ कतिलाई ? <br><br>लोकतन्त्र ठमेलको मसाज सेन्टर हैन संसदहरु <br><br>जहा तिम्रो मनलागी कालोधन्दा चलोस <br><br>लोकतन्त्र तिम्रो निजि घर पनि हैन <br><br>जहा तिम्रो मनलागी भागभण्डा चलोस <br><br>भोलि जनताको मत चाहिन सक्छ <br><br>निदाएको जनता उठे नपाइन सक्छ <br><br>त्यसैले उठ&nbsp; ! उभिएर हेर ! संसद जस्तो बनेर हेर<br><br>डा गोविन्द केसिको अगाडी सगरमाथा होचो लाग्ला <br><br>तिम्रो निर्लज्ज नग्न नाकको गौरवगाथा थेप्चो लाग्ला <br><br><br><br>अ'प्रिय' नेपाल सरकार , <br><br>तिम्रो जहाज ढल्न सक्छ <br><br>बालुवाटार बन्दरगाह जल्न सक्छ <br><br>तर गोविन्द केसिहरु ढल्नेछैनन <br><br>तर गोविन्द केसिहरु गल्नेछैनन ।। <br><br>-सुरज दाहाल , २५/0३/२०७३।<br></p>