भारत जाँदै गरेको बस दुर्घटना कम्तिमा ५ जनाको मृत्यु

<p>२८ असार, नेपालगञ्ज ।<br>नेपालबाट दिल्ली जाँदै गरेको यात्रुबस भारतको उत्तर प्रदेशमा दुर्घटना हुँदा पाँच जनाको मृत्यु भएको छ ।</p><p>बुटवलबाट नेपालगञ्ज जमुनाहा नाका हुँदै दिल्ली जाँदै गरेको ना ४ ख ७६८७ नम्बरको बस बहराईच जिल्लाको रिसिया भन्ने स्थानमा गएराति ट्रकसँग ठोक्किएको हो ।</p><p>दुर्घटनामा ५ जना यात्रुको मृत्यु भएको जानकारी भारतीय प्रहरीबाट प्राप्त भएको बाँके प्रहरी प्रमुख टेकप्रसाद राईले जानकारी दिनुभयो ।</p><p>दुर्घटनामा २८ जना घाइते भएको राईले बताउनुभयो । घटनाको विस्तृत विवरण आइसकेको छैन । थप विवरण बुझ्न प्रहरी निरिक्षक प्रमोद कुमार क्षेत्रीको नेतृत्वमा नेपाली टोली घटनास्थलतर्फ गएको छ ।<br><br><br><br></p>