प्रमुख निर्वाचन आयुक्त अयोधीप्रसाद यादवको पद वहाली

<p>नवनियुक्त प्रमुख निर्वाचन आयुक्त डा. अयोधीप्रसाद यादवले आज प्रमुख निर्वाचन आयुक्तको पद वहाली गनु भएको छ । </p><p>राष्ट्रपति कार्यालय शीतल निवासमा आयोजित विशेष समारोहमा शपथ ग्रहण गरेपछि प्रमुख निर्वाचन आयुक्त डा.यादवले आयोगमा पद बहाली गर्नु भएको हो ।<br><br>पद बहालीपछि पत्रकारहरुसंग कुराकानी गर्दै प्रमुख आयुक्त डा. यादवले आयोग सामु २०७४ माघ सम्ममा तीनवटा निर्वाचन सम्पन्न गर्नुपर्ने दायित्व रहेको र राजनीतिक दल एवं सरोकारवालाको सहयोगमा निर्वाचन सम्पन्न गर्न आयोग सक्षम रहेको बताउनु भयो । <br><br>प्रमुख आयुक्त डा.यादवले स्थानीय निकाय निर्वाचनका लागि आयोगले आन्तरिक तयारी अगाडि बढाइरहेको र निर्वाचनका लागि आवश्यक ऐन, कानून छिट्टै प्राप्तहुने अपेक्षा गर्नु भयो ।</p><p>यसअघि संवैधानिक परिषद्को सिफारिसमा राष्ट्रपतिले आज उहाँलाई प्रमुख निर्वाचन आयुक्तको पदमा नियुक्त गर्नु भएको थियो ।</p><p>नियुक्तिपछि राष्ट्रपति भवन शितल निवासमा आयोजित समारोहमा राष्ट्रपतिको समुपस्थितिमा प्रधान न्यायाधीश सुशीला कार्कीले डा. यादवलाई आजै पद तथा गोपनियताको शपथ गराउनु भएको थियो ।</p><p>निर्वाचन आयोगको १३ औं प्रमुख निर्वाचन आयुक्तमा नियुक्त डा. यादवको जन्न २०११ साल जेठ ४ गते सप्तरीको प्रशवनीमा भएको हो ।</p><p>उहाँले अर्थशास्त्रमा त्रिभुव विश्वविद्यालयबाट स्वर्ण पदक र अर्थशास्त्रमै भारतबाट विद्यावारिधी एजम उपाधि प्राप्त गर्नुभएको छ ।</p><p>२०६३ साल पुस २७ गते निर्वाचन आयुक्तमा नियुक्त डा. यादव गत भदौदेखि कार्यवाहक प्रमुख निर्वाचन आयुक्तको रुपमा कार्य गर्दै आउनुभएको थियो ।<br><br><br></p>