‘समर क्याम्प भन्दै बालबालिका अमेरिका तस्करी, एक पक्राउ

<p>२५ असार, काठमाडौं ।<br>नौ जना बालबालिका अमेरिका पुर्‍याएर उतै छोडेको अभियोगमा पुतली सडकस्थित सहारा लिङ्क इन्टरनेसनल प्रालिकी प्रबन्ध निर्देशक रजनी श्रेष्ठविरुद्ध प्रहरीले अनुसन्धान गरिरहेको छ ।</p><p>समर स्कूलका लागि भनेर अमेरिका पुर्‍याइएका ९ बालबालिका न्युयोर्क विमानस्थलबाट भगाएपछि फर्किने क्रममा त्रिभुवन अन्तर्राष्ट्रिय विमानस्थल अध्यागमनले रजनीलाई नियन्त्रणमा लिएको थियो। नागरिक दैनिकमा समाचार छ।<br>&nbsp;<br>अमेरिका प्रवेश गर्दा साथमा हेका बालबालिका पछि बेपत्ता देखिएपछि अमेरिकी अध्यागमनले नेपालको अध्यागमन विभागलार्इ पत्राचार गर्दै श्रेष्ठमाथि अनुसन्धान गर्न अाग्रह गरेको थियो ।</p><p>अध्यागमन विभाग महानिर्देशक केदार न्यौपानेले बालबालिका तस्करीको शंकामा अमेरिकी अध्यागमन विभागले नेपालको अध्यागन विभागलाई पत्र पठाएर अनुसन्धान गर्न आग्रह गरेको बताए। विमानस्थलको रेकर्डअनुसार २४ जुनमा रजनी श्रेष्ठ १२ बालबालिका साथमा न्युयोर्कका लागि उडेकी थिइन्। फर्किंदा उनको साथमा ३ बालबालिका मात्र थिए।<br>&nbsp;<br>महानिर्देशक न्यौपानेले बालबालिका तस्करीको गम्भीर उद्देश्य देखिएकाले अमेरिकी अध्यागमनले पत्र पठाएरै अनुसन्धान अनुरोध गरेको जनाए। 'केस गम्भीर देखिएकाले हामीले नियन्त्रणमा लिएर प्रहरीलाई जिम्मा लगाइसकेका छौं। हनुमानढोका प्रहरीले अनुसन्धान गरिरहेको छ।’ यो मुद्दालाई अहिले महानगरीय प्रहरी परिसर हनुमान ढोकाले अनुसन्धान गरिरहेको छ।<br>&nbsp;<br><b>यसरी छोडिए ९ बालबालिका अमेरिकामा</b><br>&nbsp;<br>पुतलीसडकमा कार्यालय रहेको सारा लिङ्क विदेश पढ्न जानेलाई परामर्श दिने कम्पनी हो। कम्पनीले सन् २०१६ को इएसएल ब्रिजको गृष्म कार्यक्रम (समर प्रोग्राम) मा अमेरिका लैजान १४० आवेदन लिएको थियो।<br>&nbsp;<br>अमेरिकाको इकोसेरा इएएसएल ब्रिज स्कूलले स्काइपबाट सबै निवेदकसँग अन्तर्वार्ता गरेको थियो। तीमधेये ८६ जना उत्तीर्ण हुन सफल भएका थिए। सारा लिङ्कले ८६ जनाको डकुमेन्टेसन गरेर काठमाडौंस्थित अमेरिकी दूतावासमा भिषा आवेदन पठाएको थियो। ती मध्ये १३ जनाले भिषा पाउन सफल भए। पैसाको लेनदेन नमिल्दा एका जना अमेरिका गएनन्।<br>&nbsp;<br>दोस्रो भाषा अंग्रेजी भएकाहरुलाई अंग्रेजी भाषा, संस्कृतिसँग जोड्न अमेरिकामा इएसएल ब्रिज कार्यक्रम सञ्चालन हुनेगर्छ।<br><br></p>