शशांकको स्वास्थ्यमा सुधार,चिकित्सक उत्साही

<p><span style="line-height: 1.42857143;">काठमाडौं,असार २४ । ओम अस्पतालको सघन कक्षमा भेन्टिलेटरमा अचेत कांग्रेसका महामन्त्री शशांक कोइरालालको उपचारमा समर्पित चिकित्सकको प्रयास जारी रहँदा कांग्रेसका केही शीर्ष नेतालाई भारतको नयाँ दिल्ली लजान चाहन्थे। नेता कृष्णप्रसाद सिटौलाको सुझावमा अस्पतालका बरिष्ठ चिकित्सक भोला रिजालले अडानपूर्ण उत्तर दिए,‘हामीले यति धरै प्रबुद्ध चिकित्सकलाई जम्मा गरेर उपचार गरिरहेका छौं। उहाँको स्वास्थ्यमा केही सुधारका संकेतसमेत देखिइसकेका छन्, किन लग्ने बाहिर? त्यहाँ पनि यही उपचार गर्ने त हो नी।’ अन्नपूर्ण पोस्टमा समाचार छ।</span><br></p><p>&nbsp;</p><p>रिजालबाट यो जवाफ पाउँदा पनि नेता सिटौलालाई भने अझै चित्त बुझेन भने,‘हैन मिल्छ भने लगौं भन्ने कुरा हो।’ रिजालले गम्भीर हुँदै भने,‘भेन्टिलेटरमा राखिएको बिरामीलाई हामी कुनै पनि हालतमा बाहिर लग्ने अनुमति दिँदैनौं। परिवारले पनि यहीं ठीक छ भनिरहनु भएको छ।’ शशांकको उपचारमा नेपालका प्रख्यात चिकित्सक संलग्न भइरहेको बताइरहे पनि ‘उहाँलाई किन दिल्ली नलगेको? भारतबाट चिकित्सक आउने कुरा के भयो? भन्ने जस्ता अनगिन्ती प्रश्न सोध्ने अरुपनि थिए।</p><p>&nbsp;</p><p>तर ओम अस्पतालको टिम र त्यसलाई साथ दिएका अन्य चिकित्सक आत्मविश्वास र दृढतासहित ठूलै जोखिम मोलेर शशांकको उपचारमा निरन्तर खटिरहे र २४ घन्टापछि खतरामुक्त, भन्न नसकेपनि उनको स्वास्थ्यमा द्रुत सुधार देखियो। बिहीबार साँझ जारी अस्पताको बुलेटिनअनुसार उनको स्वास्थ्य स्थित सुधार भएपनि भेन्टिलेटरबाट निकालिएको छ तर खतरामुक्त भने भइसकेका छैनन्।&nbsp;</p>