कांग्रेस महामन्त्री शशांक कोइरालाको स्वास्थ्य अवस्था गम्भीर

<p><span style="line-height: 1.42857143;">काठमाडौं,असार २२ । नेपाली कांग्रेसका महामन्त्री शशांक कोइरालाको स्वास्थ्य अवस्था गम्भीर तर स्थिर रहेको अस्पतालले जनाएको छ । ओम अस्पताल चाबहिलमा उपचारत कोइरालालाई भेन्टिलेटरमा राखेर उपचार भैरहेको छ । मंगलबार राति पिज्जा खाएपछि वान्ता गरेका उनलाई बिहान अस्पताल लगिएको थियो । रातीदेखि बिहानसम्म लगातार बमिट गरिरहेका उनको बिहान साढे पाँच बजे बमिट सर्किएर मुटुमा असर गर्न पुगेको बताइएको छ । ओम अस्पतालका अनुसार कोइरालालाई अहिले भेन्टिलेटरमा राखेर एन्टिवायोटिक चलाइएको छ । प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा लगायतका नेता, कार्यकर्ता बिहानै अस्पताल पुगेर कोइरालाको स्वास्थ्य स्थितिबारे जानकारी लिएका छन् ।&nbsp;</span><br></p><p><br></p><p>अस्पतालले उनको उपचारमा १५ जना डाक्टरको टीम सक्रियतापूर्वक लागिरहेको जनाएको छ । कोइरालाको उपचारमा सक्रिय चिकित्सकहरुमा राहुल पाठक, लब जोशी, भगवान कोइराला, अर्जुन कार्कीलगायत रहेका छन् । चिकित्सकहरुले उनको अवस्था अत्यन्त नाजुक भएकाले अहिलेनै उपचारको लागि विदेश लैजान सकिने अवस्था छैन । बिहान अस्पताल पुगेका कांग्रेस नेताहरुले विदेश लैजाने बारे चिकित्सकहरुसँग परामर्श गर्न क्रममा यस्तो जानकारी गराइएको हो ।&nbsp;</p>