नवलपरासीमा १९ सहकारी एकीकरण भए

<p>२१ असार, नवलपरासी ।<br>चालु आर्थिक वर्षमा मात्रै नवलपरासीमा १९ वटा सहकारी बीच एकीकरण भएको डिभिजन सहकारी कार्यालय नवलपरासीका सहकारी अधिकृत वासुदेव भट्टराईले बताउनुभयो ।</p><p>उहाँका उनका अनुसार नवलपरासीमा अहिलेसम्म ३४ वटा सहकारी एकीकरण भइसकेका छन् । नौ वटा सहकारी एकीकरणका लागि स्वीकृति लिएर बसेका छन् ।&nbsp; पछिल्लो समय डिभिजन सहकारी कार्यालय नवलपरासीमा एकीकरणको कामले तीव्रता पाएको छ ।</p><p>नवलपरासीमा अहिले करिब ४ सय ९३ सहकारी रहेका छन् ।&nbsp; २ सय ५३ वटा बचत तथा ऋण सहकारी, ७६ वटा कृषि सहकारी र २९ वटा दुग्ध सहकारी रहेको डिभिजन सहकारी कार्यालयले जनाएको छ ।</p><p>डिभिजनका अनुसार करिब ९८ करोडको सेयर पुँजी नवलपरासीमा रहेका सहकारीमा छ । तीन अर्व ६४ करोडको बचत गर्ने नवलपरासीका सहकारीले ८२ करोडको बाह्य लगानी रहेको छ । नवलपरासीमा रहेका सहकारीमा करिब १२ अर्बको कारोबार हुन थालेको छ ।<br><br></p>