प्रधानन्यायाधिश देखी राजदूतको टुंगो लगाउँदै संसदीय सुनुवाइ विशेष समिति

<p>२१ असार, काठमाडौं ।<br>संसदीय सुनुवाइ विशेष समितिको बैठक आज बस्दैछ । प्रस्तावित प्रधानन्यायाधीश, सर्वोच्चका ११ न्यायाधीश, प्रमुख निर्वाचन आयुक्त र २२ राजदूतविरुद्ध परेका उजुरीका विषयमा छलफल गर्न बैठक बस्न लागेको छ ।</p><p>संसदीय सुनुवाइ विशेष समितिले संवैधानिक परिषद्, न्याय परिषद् र मन्त्रिपरिषद्द्वारा प्रस्तावित ३५ जना उम्मेदवारविरुद्ध उजुरीका लागि दिएको दस दिनको समय सीमा अन्तिम दिन हिजोसम्ममा ४० उजुरी दर्ता भएका हुन् ।</p><p>समितिको अहिले केहीबेरमा बस्ने बैठकले प्रारम्भिक छानबिन गरी सुनुवाइ प्रक्रिया अघि बढाउने गृहकार्य गरेको छ । सुनवाइको प्रक्रियामा प्राप्त उजुरी समितिको बैठकमा पेस गरिनेछ ।</p><p>प्रस्तावित ११ न्यायाधीशविरुद्ध तीनवटा उजुरी परेका छन् । प्रस्तावित प्रमुख निर्वाचन आयुक्त अयोधीप्रसाद यादवविरुद्ध समेत दुइटा उजुरी परेका छन् । समितिले प्राप्त उजुरीको प्रारम्भिक छानबिनपछि प्रस्तावित उम्मेदवारको सुनुवाइ गर्नेछ ।<br><br></p>