के भयो नेपाल भारत प्रबुद्ध समुहको बैठकमा ?

<p>२० असार, काठमाडौं ।<br>नेपाल–भारत प्रबुद्ध समूहको पहिलो बैठक आज काठमाडौंमा शुरु भएको छ ।<br><br>बैठकको उद्घाटन गर्नुंहुदै उपप्रधान एवं परराष्ट्र मन्त्री कमल थापाले नेपाल र भारतबीच अहिलेसम्म भएका सबै सन्धि सम्झौताका बारेमा समयानुकुल पुनरावलोकन गर्नु पर्ने बताउनु भयो ।<br><br>परराष्ट्र मन्त्री थापाले दुई देशबीचको सम्बन्ध अझै बलियो बनाउन प्रबुद्ध समुहको बैठकमहत्वपूर्ण हुने बताउनु भयो ।<br><br>उहाँले दुवै मुलुकलाई लाभ हासिल हुनेगरी संयुक्तरुपमा काम कसरी अगाडि बढाउने र आपसी सम्बन्धलाई अझ मजबुत बनाउने विषयमा बैठकबाट उपयुक्त सुझाव आउने अपेक्षा गरिएको बताउनु भयो ।<br><br>कार्यक्रममा प्रबुद्ध समुहका नेपालका संयोजक डा। भेषबहादुर थापाले दुईदेशबीचको सम्बन्धलाई नयाँ ढंगबाट विस्तार गर्न बौद्धिक समुहकोे छलफलले आधार तयार गर्ने बताउनु भयो ।<br><br>यसैगरी प्रबुद्ध समुहको भारतका संयोजक भगत सिंह कोसियारीले नेपाल र भारतबीचमा रहेको सम्बन्धलाई अझै बलियो बनाई एउटा असल छिमेकीका रुपमा कसरी रहन सक्छौ भन्ने विषय अहिले महत्वपूर्ण रहेको बताउनु भयो ।<br><br>नेपाल र भारतका चार चार जना कुटनितिज्ञहरु रहेको प्रबुद्ध समुहको बैठक आज र भोली दुईदिनसम्म काठमाडौंमा चल्ने छ । <br><br>प्रबुद्ध समुहलाई नेपाल र भारतबीचमा विभिन्न समयमा भएका सन्धी सम्झौताहरुको पुनरावलोक गरी प्रतिवेदन बुझाउन दुई वर्षको समयसिमा दिइएको छ । प्रबुद्ध समुहको बैठक पालैपालौ नेपाल र भारतमा बस्ने प्रावधान रहेको छ ।<br><br><br></p>