थामखर्क विमानस्थलमा उडान स्थगित

<p>२० असार, खोटाङ ।<br>खोटाङको दक्षिणी क्षेत्रमा पर्ने थामखर्क विमानस्थलमा उडान लगातारको वर्षासँगै मौसममा खराबी आएपछि आउँदो असोजसम्मका लागि उडान स्थगित गरिएको हो ।</p><p>केही दिनदेखि लगातार वर्षा भएपछि नागरिक उड्डयन मन्त्रालयले पत्र पठाएर उडान स्थगन गर्न निर्देशन दिएको विमानस्थलका स्टेसन इन्चार्ज नरेन्द्र उदासले जानकारी दिनुभयो ।</p><p>नेपाल एयरलायन्सको विमानले साताको मङ्गलबार र शनिबार थामखर्क–काठमाडाँै तथा शनिबार एक दिन थामखर्क–विराटनगरका लागि उडान भर्दै आएको थियो ।</p><p>उडान स्थगित भएपछि दक्षिणी क्षेत्रका २० गाविससहित छिमेकी जिल्ला भोजपुरका सर्वसाधारणसमेत मर्कामा परेका छन् । यातायातको सुविधा नपुगेको त्यस क्षेत्रमा विमानस्थलसमेत अवरुद्ध भएपछि सर्वसाधारण मर्कामा परेका हुन् । <br><br><br></p>