एमालेको तर्फबाट नुवाकोट क्षेत्र नं : १ ‘ख’ मा राजु लामाको दाबी

अशोज ६, २०७९ मा प्रकाशित
Published at 2022-09-22

222 views

त्रिशूली । नेकपा एमाले प्रदेश कमिटी सदस्य राजु लामा आगामी मङ्सिर ४ मा हुने निर्वाचनमा नुवाकोटबाट प्रदेश सभा सदस्यको उम्मेदवार बन्ने तयारी थालेका छन् । लामो समयको पत्रकारितालाई बिट मार्दे सक्रिय राजनीतिमा होमिएका लामाले नुवाकोट क्षेत्र नं १ ‘ख’ तर्फबाट प्रदेश सभाको उम्मेदवार बन्ने बताएका हुन् ।

पार्टीले उनको नाम समानुपातिक उम्मेदवारको रूपमा सिफारिस गरेको भएपनि लामाले प्रत्यक्ष चुनाव लड्ने मनस्थिति बनाएको बताए । स्थानीय मतदाता र शुभेच्छुकहरूले आफूलाई प्रत्यक्ष उम्मेदवार बनेर चुनावमा होमिन सुझाव दिएकाले आफुले प्रदेश सभाका लागि प्रत्यक्षतर्फबाट उम्मेदवारी दिने तयारी थालेको उनको भनाई छ । नेपाल पत्रकार महासङ्घको पूर्व केन्द्रीय सदस्यसमेत रहेका लामा नुवाकोट एमालेभित्रका स्पष्ट भिजन दिन सक्ने बौद्धिक नेताका रूपमा चिनिन्छन् ।

पछिल्लो समय स्थानीय जनताकै बिचमा रहेर राजनीतिमा क्रियाशील उनी काठमाण्डौमा हुँदा समेत नुवाकोटवासीका सुख दुःखमा सहकार्य गर्दैआएकाले एमालेविरुद्धको महागठबन्धनलाई पराजित गर्नका लागि बलिया उम्मेदवार हुन सक्ने नुवाकोटका एमालेका नेताहरू बताउँछन् ।

नेकपा एकीकरणपछि एकताको निरन्तरता भन्दै एमाले उपाध्यक्ष बादलसँगै केपी ओलिको पक्षमा उभिएका नुवाकोटको ककनी गाउँपालिकाका लामाका कारण गएको स्थानीय निर्वाचनमा समेत एमालेले अघिल्लो निर्वाचनमा भन्दा उल्लेख मत बढाएको थियो ।

टिकटका लागि अन्य नेताहरूले समेत आकाङ्क्षा देखाएको भएपनि सो क्षेत्रमा तामाङ समुदायको उल्लेख बाहुल्यता रहेको र सबैभन्दा बढी मतभार ककनी गाउँपालिकामै पर्ने भएकाले प्रदेश सभाका लागि क्षेत्र १ को ख मा लामालाई अघि सार्दा पार्टीले जित निकाल्न सक्ने नुवाकोट एमालेभित्रका धेरैको बुझाई छ ।

प्रतिक्रिया

सम्बन्धित खवर

TopNepalNews copyright © 2021 News. All Rights Reserved. Website by Muncha Developers.