असार १५ गते देशैभर धान दिवस, नेपाल भने अझै भातमा खान भारतकै भरमा

<p>१४ असार, काठमाडौं ।<br>केन्द्रिय स्तरमा कृषि विभागको आयोजनामा र जिल्लाहरुमा जिल्ला कृषि विकास कार्यालयहरुको प्रमुख आयोजनामा धानदिवश तथा रोपाई महोत्सव मनाइने भएको बालि विकास निर्देशनालयका कार्यक्रम निर्देशक डिलाराम भण्डारीले जानकारी दिनुभएको छ । यस पालीको धान दिवश तथा रोपाई महोत्वसको नारा व्यवसायीक धान खेतीको आधार, सामुदायिक नर्सरीको विस्तार रहेको छ ।<br><br>असार १५ गते मनाइने धान दिवश तथा रोपाई महोत्सवको बारेमा जानकारी दिन सोमबार ललितपुरमा आयोजित कार्यक्रममा कृषि विभागका महानिर्देशक डा. युवक ध्वज जिसी ले नेपालमा धान नै प्रमुख खाद्यान्न बाली भएकाले खाद्य सुरक्षाका लागि धानको उत्पादन बढाउनु जरुरी रहेको बताउनु भयो ।</p><p>महानिर्देशक जि।सी।ले नेपालमा बार्षिक करिब ९० अर्ब रुपैयाँ बराबरको धान उत्पादन हुने हुँदा धान उत्पादनमा हुने ह्रासले मुलुकको कुल गार्हस्थ उत्पादनमा प्रत्यक्ष प्रभाव पर्ने भएकाले पनि उत्पादनमा जोड दिनु जुरुरी रहेको उल्लेख गर्नुभयो । <br><br>नेपालको कुल ग्राहस्थ उत्पादनमा ३३५ कृषि क्षेत्रबाट प्राप्त भइरहेको मा धानको मात्रै योगदान २१५ रहेको कृषि विभागले जनाएको छ । <br><br>यति हुँदा पनि नेपाल धानमा आत्मनिर्भर हुन सकेको छैन । धानमा आत्मनिर्भर हुन सँगै नेपाललाई धान निर्यात गर्ने मुलुक बनाउन, नेपालीले खानपीन को बानीमा सुधार गर्नुपर्ने र व्यवसायीक उत्पादनमा जोड दिनुपर्ने विभागले जनाएको छ । <br><br>संसारमा, १६२० लाख हेक्टर क्षेत्रफलमा धानखेती लगाइन्छ भने ६३१० लाख मेट्रिकटन धान उत्पादन हुने देखिन्छ । <br><br>त्यसको करिब ९०५ धान उत्पादन तथा उपभोग भने एसीयामै हुन्छ । <br><br>एसियामा १५०० लाख हेक्टरमा खेति गरी ५७०० लाख मेट्रिक टन धान उत्पादन हुन्छ । <br><br>विस्वमा सबै भन्दा बढी धान उत्पादन हुने देशमा चीन पर्दछ भने त्यस पछि भारतको स्थान दोस्रो रहेको छ । <br><br>चीन र भारत पछि धान उत्पादनका लागि अरु अग्रणी देशमा इण्डोनेसीया बंगलादेश, भियतनाम, थाइल्याण्ड, म्यान्मार, फिलिपिन्स, ब्राजील र जापान पर्दछन् । <br><br></p>