बैंकिङ कसूरका फरार प्रतिवादी पक्राउ

माघ १४, २०७८ मा प्रकाशित
Published at 2022-01-28

219 views

काठमाडौँ । महानगरीय प्रहरी परिसरले बैंकिङ कसूरका फरार प्रतिवादीलाई पक्राउ गरेको छ ।

पक्राउ पर्नेमा जनकपुरधाम उप-महानगरपालिका-८ घर भई काठमाडौंको बानेश्वर-१० मा बस्‍दै आएका ४९ वर्षीय कमल कुमार सिंह रहेका छन् ।

उच्च अदालत पाटनको २०७७ पुस १५ गतेको आदेश अनुसार सिंहले १५ लाख धरौटी बुझाउन नसक्‍दा डिल्लीबजार कारागारमा जेल चलान गरिएको थियो ।

महाराजगञ्जबाट खटिएको प्रहरीले सिंहलाई काठमाडौंको काँडाघारीबाट शुक्रबार पक्राउ गरेको जनाएको छ ।

सिंहले आफ्नो खातामा पर्याप्त मौज्दात रकम नभएको भन्‍ने जानी जानी झुक्याएर एक जनालाई ६० लाख र अर्को एक जनालाई ६१ लाख बराबरको चेक भुक्तान हुने गरी दिएका थिए ।

पक्राउ परेका सिंहलाई शुक्रबार उच्चअदालत पाटट ७ दिनको म्‍याद लिइ थप अनुसन्धान भइरहेको महानगरीय प्रहरी परिसरले जनाएको छ । साथै सिंहले अन्य ब्यक्तिहरुलाईसमेत पीडित बनाएको हुन सक्ने भन्‍दै उजुरी गर्नसमेत आग्रह गरेको छ ।

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.