बेलायती प्रधानमन्त्री डेभिड क्यामरुनद्वारा पदबाट राजीनामा

<p>१० असार, एजेन्सी ।<br>बेलायती प्रधानमन्त्री डेभिड क्यामरुनले पदबाट राजीनामा दिएका छन् ।<br><br>युरोपियन युनियनबाट बेलायत बाहिरिने पक्षमा मतदानको जनादेश आएपछि प्रधानमन्त्री क्यामरुनले पदबाट राजिनामा दिएका हुन् ।<br><br>नतिजा सार्वजनिक भएपछि आफु बिरुद्ध प्रदर्शन हुन थालेपछि नैतिकताको आधारमा क्यामरुनले आउँदो अक्टोबर देखि लागू हुने गरी राजीनामाको घोषणा गरेका हुन् ।<br><br>प्रधानमन्त्री कार्यालय डाउनिङ स्ट्रिटमा सम्बोधन गर्दै क्यामरुनले अक्टोबर महिनादेखि लागू हुनेगरी आफुले पदबाट राजीनामा दिएको बताए ।<br><br>बेलायतलाई ‘बलियो, स्थिर र प्रतिवद्ध नेतृत्व’ आवश्यक रहेको बिचार राखे । क्यामरुन बेलायत युरोपियन युनियनमै रहनुपर्ने पक्षमा थिए ।<br><br>जनमतसंग्रहमा बेलायतले युरोपियन युनियन छोड्ने पक्षमा नतिजा आए बेलायतमा राजनीतिक र आर्थिक संकट आउने बताउँदै आएका थिए ।<br><br>क्यामरुनले बेलायत युनियनमै रहिरहनुपर्ने पक्षमा मतदान गरेका लन्डन, स्कटल्याणन्ड र उत्तरी आयरल्याण्डका मतदातालाई धन्यवाद दिए भने नतिजा केही दुखद भएको बताए ।<br><br>बिहीबार भएको जनमत संग्रहमा ५२ प्रतिशत बेलायतीले बेलायत युरोपियन युनियनबाट छुट्टीनु पर्ने पक्षमा मतदान गरेका छन् ।<br><br></p>