तालिबान सत्तामा आएपछि ६ हजारभन्दा धेरै पत्रकारको जागिर गुमेको विवरण सार्वजनिक

पुस १०, २०७८ मा प्रकाशित
Published at 2021-12-25

67 views

काठमाडौँ । तालिबानले सत्ता कब्जा गरेपछि अफगानिस्तानमा ६ हजार ४ सय पत्रकारको जागिर गुमेको छ ।

गैरनाफामुखी संस्था रिपोटर्स विदवाउट बोडर्स (आरएसएफ) र अफगानिस्तानको स्वतन्त्र पत्रकार सङ्घ (एआईजेए) गरेको सर्वेक्षणअनुसार तालिबानले सत्ता कब्जा गरेपछि अफगानिस्तानको सञ्चारमाध्यममा नाटकीय परिवर्तन भएको छ । तालिबानको सत्तापलटपछि २ सय ३१ सञ्चारमाध्यमहरु बन्द भएका छन् ।

अफगान सञ्चारमाध्यममा तालिबान सत्ताको प्रभाव देखिएको सर्वेक्षणमा जनाइएको छ । हरेक १० सञ्चारमाध्यमबाट चार जनाभन्दा बढी पत्रकार पलायन भएका छन् । यस हिसाबले देशका ६० प्रतिशत पत्रकार र सञ्चारमाध्यमका कर्मचारीले काम छोडेका छन् । पलायन हुनेमा ८० प्रतिशत महिला छन् ।

५ सय ४३ सञ्चारमाध्यमहरुमध्ये नोभेम्बरको अन्त्यसम्म ३ सय १२ वटा मात्र सक्रिय छन् । यसको अर्थ तीन महिनाको अवधिमा ४३ प्रतिशत सञ्चारमाध्यम हराएका सर्वेक्षणमा भनिएको छ । चार महिनाअगाडि मात्र धेरै अफगान प्रान्तमा कम्तीमा १० ओटा निजी सञ्चारमाध्यम थिए । तर, अहिले केही क्षेत्रमा कुनै पनि स्थानीय सञ्चारमाध्यम नरहेको सर्वेक्षणले जनाएको बीबीसीले उल्लेख गरेको छ ।

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.