24.44¡ÆC
काठमाडौँ । कपिलवस्तुको गोरुसिंगे जंगलमा अज्ञात समूहले गोली प्रहार गरी ८ लाख रुपैयाँ नगद लुटेको छ । बुद्धभूमि नगरपालिका–१० स्थित तौलिहवा–गोरुसिंगे सडक अन्तर्गत तिलौराकोट साझेदारी वन कार्यालय नजिक मोटरसाइकलमा आएका दुई जनाले कारमा सवार व्यक्तिमाथि गोली प्रहार गरी नगद लुटेर लगेका हुन् ।
बिहीबार दिउँसो ३ बजेतिर प्रदेश ३–०१–०२३ च ८०८९ नम्बरको कारमा सवार कपिलवस्तुको मायादेवी गाउँपालिका–४ चाकरचौडाका रामरक्षा जैसवालमाथि गोली प्रहार गरी उनीहरू भागेको जिल्ला प्रहरी कार्यालय कपिलवस्तुका प्रमुख एसपी दानबहादुर कार्कीले बताए ।
गोली प्रहार गरेर भागेकाहरुको खोजी भइरहेको प्रहरीले जनाएको छ ।
