21.09¡ÆC
काठमाडौँ । नेपाल मेडिकल काउन्सिलले २०७८ देखि २०८२ सम्मका लागि तीन सदस्यीय निर्वाचन समिति गठन गरेको छ । जसमा डा. गणेश राई प्रमुख निर्वाचन अधिकृत र डा. मधुसुदन पुन र डा. मनोज हुमागाई निर्वाचन अधिकृत रहेका छन् ।
नेपाल मेडिकल काउन्सि ऐन २०२० अनुसार काउन्सिलको एक जा उपाध्यक्ष र आठ जना सदस्य निर्वाचनद्वारा चयन गर्ने व्यवस्था छ । २०७४ सालमा निर्वाचित पदाधिकारीको पदावधि असोज ५ गते सकिँदैछ । त्यसपछि ४ वर्षका लागि नयाँ पदाधिकारी चयन हुनेछन् ।
काउन्सिलको उपाध्यक्ष पदका लागि १५ वर्ष र सदस्यका लागि ५ वर्ष अनुभव भएको दर्तावाल चिकित्सक हुनुपर्नेछ । काउन्सिलको उपाध्यक्ष र सदस्य चयनका लागि दर्तावाल सबै चिकित्सकले मतदान गर्न पाउनेछन् ।
