लोभले विलाप । सस्तोमा सुन किन्न खोज्दा ४० लाख गुम्यो

<p>४ जेठ, काठमाडौं ।<br>सस्तोमा सुन किन्न खोज्दा ४० लाख रुपैयाँ गुमेको छ। नयाँ पत्रिका दैनिकमा समाचार छ। <br>&nbsp;<br>४० लाखमा एक किलो सुन दिने भन्दै एक युवक नाटकीय शैलीमा पैसा लिएर फरार भएका हुन्। सिरहाका सन्तोषकुमार यादव र नीरजकुमार यादवको ४० लाख रुपैयाँ गुमेको हो। <br>&nbsp;<br>यादवद्वयलाई सिरहाकै अमर सोनी र नवीनकुमार चौधरीले ठगेका हुन्। गौशालाको एक होटेलमा पैसा लिएपछि अर्को कोठाबाट सुन लिएर आउने भन्दै सोनी पैसा लिएर फरार भएका हुन्।<br>&nbsp;<br>सोनीका साथी नवीवनलाई भने प्रहरीले पक्राउ गरेको छ। सोनी भागेपछि नवीनलाई सन्तोष र नीरजले बानेश्वरमा बन्धक बनाएका थिए।<br>&nbsp;<br>एक व्यक्तिको अपहरण गरी बन्धक बनाइएको सूचनाका आधारमा प्रहरीले बिहीबार बानेश्वरको मागेश्वर मार्गस्थित राम उद्गार यादवको घरमा छापा मारेर चौधरीलाई उद्धार गरेको थियो।<br>&nbsp;<br>अनुसन्धान गर्दा चौधरीका साथले ४० लाख लिएर भागेपछि उनलाई बन्धक बनाइएको खुलेको हो । <br><br></p>