सिंहदेवी विद्यालयमा बन्यो नयाँ कार्यसमिति, श्रीकृष्ण श्रेष्ठ अध्यक्षमा सर्वसम्मत

<p>मानेथोक । पञ्चकन्या गाउँपालिका वडा नं. ३ मानेथोकमा रहेको सिंहदेवी आधारभूत विद्यालयमा नयाँ व्यवस्थापन समिति गठन भएको छ । विद्यालयमा आयोजित अभिभावकहरुको भेलाले श्रीकृष्ण श्रेष्ठको अध्यक्षमा नयाँ कार्यसमिति सर्वसम्मत रुपमा गठन गरेको हो ।&nbsp;<br></p><p>अभिभावकको भेलाले यसअघि पनि अध्यक्ष रहनुभएका श्रेष्ठलाई पुनः अध्यक्ष पदमा चयन गरेको हो । समितिको सदस्यहरुमा सुनिता तामाङ, राजु नेपाली, सरिता खड्का र निरमायाँ तामाङ रहनुभएको छ । यसैगरी समितिमा जनप्रतिनिधिको तर्फबाट वडाध्यक्ष रामबाबु पराजुली र सुशीला मिश्र, शिक्षक प्रतिनिधिमा निर्मलजंग श्रेष्ठ र सदस्य सचिवमा मिना कुमारी श्रेष्ठ रहेको स्थानीय युवा समाजसेवी कृष्ण बोहराले जानकारी दिनुभएको छ ।</p><p>यसैगरी, जयराम थापाको संयोजकमा शिक्षक–अभिभावक संघ गठन गरिएको छ । संघको सदस्यहरुमा नवराज पण्डित, मायाँ तामाङ, सानुमायाँ तामाङ, सुमित्रा सापकोटा र सदस्य सचिवमा मिनाकुमारी श्रेष्ठ चयन हुनुभएको छ ।&nbsp;&nbsp;</p><div><img src="https://topnepalnews.comuploads/posts/f33e46169435b95f077226d9752e9b481580691277.jpg" style="width: 432px;"><br></div>