चीनमा रहेका नेपाली सुरक्षित रहेको प्रतिबद्धता

<p>विदुर । चीनले कोरोना भाइरस प्रभावित क्षेत्रमा रहेका नेपालीहरुको जीवन रक्षा र स्वास्थ्य उपचारको ब्यवस्था गरिएको भन्दै स्वास्थ्य सुरक्षामा आश्वस्त रहन आग्रह गरेको छ ।<br></p><p>नेपालस्थित चिनियाँ दूतावासले प्रेस विज्ञप्ति जारी गरी आश्वस्त रहन आग्रह गरेको हो । विद्यार्थीहरु सहित केही नेपालीहरु अझै पनि वुहानमा रहेको जानकारी दिदै उनीहरुको जीवन तथा स्वास्थ्य उपचारको ग्यारेन्टी गरिएको बिज्ञप्तीमा उल्लेख गरिएको छ । चीनको हुपेई प्रान्तको वुहान भन्ने स्थानबाट कोरोना भाइरस फैलिएको थियो । त्यहाँ अझै पनि नेपाली नागरिक रहेको र उनीहरुले छिट्टै उद्धार गरिदिन आग्रह गरिरहेको समाचार बाहिर आएपछि चिनियाँ दूतावासले विज्ञप्ति जारी गरी उनीहरुको रक्षाका लागि सक्रिय कदम चाल्ने प्रतिबद्धता जनाएको हो ।</p><p>कोरोना भाइरसको संक्रमणका कारण नेपालमा चिनियाँ पर्यटकको आगमन प्रभावित हुने भन्दै महामारी नियन्त्रणमा आएपछि धेरैभन्दा धेरै चिनियाँ पर्यटकहरुलाई नेपाल भ्रमण गर्न प्रोत्साहन गर्नें र ‘नेपाल भ्रमण वर्ष २०२०’ मा योगदान पुर्याउन मदत गर्ने चिनियाँ दूतावासको प्रेस विज्ञप्तिमा उल्लेख गरिएको छ ।&nbsp;&nbsp;</p>