पाकिस्तानमा भूकम्प मरेर मृत्यु हुनेको संख्या २२ पुग्यो, सडकनै चिराचिरा

<p>काठमाडौ । पूर्वी पाकिस्तानमा ५.८ म्याग्निट्यूडको भूकम्प जाँदा कम्तीमा २२ जनाको ज्यान गएको र तीन सय जनाभन्दा बढी मानिस घाइते भएको स्थानीय अधिकारीहरूले बताएका छन् । भूकम्पको केन्द्रबिन्दु पाकिस्तान-प्रशासित कश्मीरको मिरपुरनजिकै रहेको बताइएको छ ।<br><br>सामाजिक सञ्जालमा प्रेषित तस्बिरहरूमा मुख्य सडकमा ठूलो क्षति पुगेको र घरहरूमा आंशिक क्षति पुगेको देखिन्छ । क्षतिको पूर्ण विवरण अझै आइसकेको छैन् । उक्त क्षेत्रमा सन् २००५ मा भूकम्प जाँदा हजारौँ मानिसको ज्यान गएको थियो ।<br><br>अमेरिकी भूगर्भसम्बन्धी निकाय यूएसजीएस र पाकिस्तानको भूगर्भ विभागले उक्त भूकम्पको ५.८ म्याग्निट्यूड भएको जनाएका छन् । भूकम्पको धक्का भारतको नयाँ दिल्लीसम्म महसुस गरिएको थियो । पाकिस्तानको राजधानी इस्लामाबादसहित देशको उत्तरी भेग, लाहोर, पेशावर र पाकिस्तानप्रशासित कश्मीरमा पनि मङ्गलवार अपराह्ण भूकम्प महसुस भएको थियो ।<br><br>भूकम्पको गहिराइ १० किलोमिटर रहेको बताइएको छ । पाकिस्तानका सेना प्रमुखले प्रभावित क्षेत्रमा तत्काल उद्धारकार्य थाल्न निर्देशन दिएको सेनाका प्रवक्ताले ट्विटमार्फत् बताएका छन् ।<br><br>बीबीसी उर्दूका अनुसार धक्का महसुस गरिएको एउटा क्षेत्र मिरपुरका प्रहरी अधिकारीले त्यहाँ चार जनाको मृत्यु भएको पुष्टि गरेका छन् ।<br><br>मिरपुर पाकिस्तान-प्रशासित कश्मीरमा पर्छ । हताहत हुनेको सङ्ख्या बढ्न सक्ने अधिकारीहरूले बताइएका छन् । थुप्रैतिरबाट जमिन चिरा परेकाे छ । भारतको राजधानी नयाँदिल्लीसहित भारतका थुप्रै शहरमा समेत धक्का महसुस गरिएकाे थियाे । <br><br></p>