डेंगु नियन्त्रणको लागी विद्यार्थीको जनचेतना -याली

<p>विदुर । नुवाकोटमा लामखुट्टेको टोकाईबाट लाग्ने डेंगु रोगको प्रकोप फैलदै गएपछि नियन्त्रणको लागी बजार क्षेत्रमा एन.सि.सि.एल्मुनाई एशोसियशन नुवाकोटले सचेतना -याली निकालेको छ । जिल्लाको उच्च जोखिम रहेका क्षेत्रको पहिचान गर्दै बट्टारको हावाघरबाट सुरु भएको -यालीले बट्टारबजार र विदुर बजारको विभिन्न टोलहरुमा शनिबार रोग नियन्त्रणको लागी सचेतना जगाएको हो । </p><p>-यालीमा सहभागी क्याडेटहरुले डेंगुलाई लाग्न नदिनको लागी जानकारीमूलक पर्चा, प्लेकार्ड र ब्यानर बोकेर बजार क्षेत्रको परिक्रमा गरेका थिए । उनीहरुको -यालीमा नुवाकोटका सहायक प्रजिअ बद्रीनाथ गैरे, विदुर नगरपालिकाको प्रमुख सञ्जु पण्डित सहित जिल्लाका सुरक्षा निकायका प्रमुख तथा प्रतिनिधिहरुको सहभागिता समेत रहेको एन.सि.सि.एल्मुनाई एशोसियशनमा आबद्ध रबुका श्रेष्ठले जानकारी दिनुभयो । </p><p><img style="width: 1024px;" src="https://topnepalnews.comuploads/posts/4821a3f7d4df30e1b5d6ca76daab43e51569041188.jpg"><br>उहाँको अनुसार -यालीको क्रममा एन.सि.सि क्याडेटहरुले डेंगु रोग लाग्न नदिनको लागी आफ्नो घर वरिपरीको पानी जमेको खाल्डाखुल्डी पुर्न, पानी जम्न नदिन, लामखुट्टेको बासोबास रहनेसक्ने स्थान जमेका पानी, झाडी तथा फोहरजन्य सामाग्रिहरु मानिसको बसोबास भएको स्थान नजिकै नराख्न सचेतना गराएका थिए । </p><p>यस्तै, -यालीमा सहभागीले बट्टार र विदुरका स्थानीय समुदाय तथा बासिन्दालाई डेंगु रोग लाग्न नदिनको लागी सरसफाईमा ख्याल गर्न, शरिर ढाक्ने कपडा लगाएर बस्न, सुत्ने स्थानमा झुल टागेर सुत्न तथा लामखुट्टेबाट बच्ने अन्य औषधी तथा धुप बालेर बस्न आग्रह गरेका थिए । <br></p><p><img style="width: 1024px;" src="https://topnepalnews.comuploads/posts/02a1351128e0ac2132ce1131c9df7e051569041202.jpg"><br>लामखुट्टेको टोकाईबाट (विशेष गरेर खुट्टाभन्दा तल टोक्ने लामखुट्टको कारण) सर्ने डेंगु रोग लागेका बिरामीलाई निरन्तर ज्वरो आउने, टाउको दुख्ने, आखाको भित्री भागमा दुख्ने भएकाले शंकास्पद बिरामीलाई समयमा नै जाँच गराउन र सक्रमण भएमा सचेत भएर हेरचाह गरेर बिरामीलाई निको बनाउन र रोग अन्यत्र सर्न नदिनको लागी एन.सि.सि.एल्मुनाई एशोसियशनमा आबद्ध क्याडेटहरुले जानकारी तथा जनचेतना जगाएका थिए । <br>जिल्ला स्वास्थ्य कार्यालयको तथ्याङ्क अनुसार हालसम्म नुवाकोटका ११ जनामा डेंगु रोगको सक्रमण देखिएको छ ।</p><p><img style="width: 1024px;" src="https://topnepalnews.comuploads/posts/6038ee9c9fb7eb37b1c55023aab830cd1569041214.jpg"><br></p><p> गत सातासम्म ६ जनामा देखिएको र उनीहरुको उपचार जिल्ला तथा जिल्ला बाहिरको विभिन्न अस्पतालमा भइरहेको यो साता थप ५ जना डेंगुका नयाँ बिरामी देखाए परेको हो । रोगको प्रभाव बढ्दै गएपछि विभिन्न संघसँस्था र निकायहरुबाट जनचेतना जगाउने कार्य भइरहेको समयमा एन.सि.सि.एल्मुनाई एशोसियशन नुवाकोटले शनिबार गरेको कार्यलाई प्रभावकारी मानिएको छ । </p><p><img style="width: 1024px;" src="https://topnepalnews.comuploads/posts/2b5fec43ca26ed59ab9ea86fa137fd9a1569041230.jpg"><img style="width: 1024px;" src="https://topnepalnews.comuploads/posts/36e984cfffef61a53af37db02ed7fab31569041241.jpg"><br><br><br></p>