थुनाबाट भागेका १६ वर्षका पदम फेरि समातिए

<p>काठमाडौ । स्वास्थ्य परिक्षण गर्न वीर अस्पतल लैजाँदा फरार भएका १६ वर्षीय पदम श्रेष्ठलाई प्रहरीले बुधबार पक्राउ गरेको छ । <br><br>एक बालिकालाई होटलमा लगेर करणी गरेको अभियोगमा पक्राउ परेका श्रेष्ठलाई महानगरीय प्रहरी वृत्त महाराजगञ्जको टोलीले स्वास्थ्य जाँचमा लैजाँदा मंगलबार राति अस्पतालबाट फरार भएका थिए । &nbsp;<br><br>महानगरीय प्रहरी वृत्त महाराजगञ्जका प्रहरी नायब उपरीक्षक फणीन्द्र प्रसाईंले फरार श्रेष्ठलाई सादा पोशाकमा खटिएको टोलीले बालाजुबाट पक्राउ गरेको बताए । श्रेष्ठलाई अदालतमा म्याद थप गर्नुअघि स्वास्थ्य परीक्षणका लागि अस्पताल लगेको बेला उनी फरार भएका थिए ।<br></p>