नुवाकोटका पाँचजना किशोरी भारततर्फ लैजान खोज्ने दुईजना विरुद्ध मुद्धा दर्ता

<p align="justify">२५ कात्तिक, नुवाकोट । यहाँको पाँचजना किशोरीलाई फकाएर बेचविखनको लागी भारत लैजान लागेको अभियोगमा पक्राउ परेका दुई जनालाई नुवाकोट प्रहरीले मानव बेचबिखन तथा ओसारपसार अभियोग मुद्धामा अनुसन्धान सुरु गरेको छ । <br>नुवाकोटबाट हराएका पाचजना किशोरीलाई घरमा बन्धक बनाएको अबस्था पक्राउ परेका सुर्खेतको भेरीगंगा नगरपालिका–१२ का निर्मल विश्वकर्मा र नुवाकोटको लिखु गाँउपालिका–४ चौघडाका विकास प्याकुरेललाई नुवाकोट जिल्ला अदालतमा मुद्धा दर्ता गरी कारबाही अघि बढाएको जिल्ला प्रहरी प्रमुख बसन्तबहादुर कुंवरले जानकारी दिनुभयो ।</p><p align="justify"><br>उहाँको अनुसार बन्धक बनेको किशोरीको बयानको आधारमा नुवाकोटबाट लैजान सहयोग पु¥याउने २० वर्षका प्याकुरेललाई आज बिहान नियन्त्रणमा लिइएको हो ।<br>२३ वर्षका विश्वकर्मालाई सुर्खेत प्रहरीले शुक्रबार किशोरीको उद्धारको क्रममा नियन्त्रणमा लिएर कारबाहीको लागी शनिबार नुवाकोट पठाएको थियो । </p><p align="justify"><br>घटनामा धेरै व्यक्तिको संलग्न भएकाले अन्यको खोजी भइरहेको प्रहरीले जनाएको छ । उद्धार गरिएका १३ देखि १६ वर्ष उमेरका ती किशोरीलाई जिल्ला प्रहरीको महिला तथा बालिका सेवा केन्द्रको आश्रयमा राखिएको छ ।<br>गत बुधबार लक्ष्मीपूजाको दिन देउसी खेल्न घरबाट हिडेका ती किशोरीलार्ई भारतमा ‘राम्रो काम’ मिलाइदिने भनी फकाएर सुर्खेत पु-याएको अबस्थामा शुक्रबार उद्धार गरिएको हो ।&nbsp; <br><br></p>