धादिङमा ग्यास बुलेट पल्टियो, २ जनाको मृत्यु

<p>२५ कात्तिक, धादिङ । </p><p style="text-align: justify;">
पृथ्वी राजमार्ग अन्र्तगत धादिङको बेनिघाट रोराङ गाउँपालिका –५, विशालटार
नजिकै आइतबार बिहान ग्यास बुलेट पल्टिदाँ आमा छोरीको मृत्यु भएको छ ।</p><p>
</p><p style="text-align: justify;">मृत्यु हुनेमा बेनिघाट रोराङ –५ का ३५
वर्षीय गीता नेपाली र उनका छोरी २१ वर्षीय सुनिता नेपाली रहेका छन् ।
दुर्घटनामा घाईते भएका उनीहरुको उपचारका क्रममा मृत्यु भएको हो । गीताको शव
गजुरी प्राथमिक स्वास्थ्य केन्द्र र सुनिताको शव राजमार्ग अस्पताल मलेखुमा
रहेको धादिङका प्रहरी उपरीक्षक (एसपी) डम्बर बि.क.ले जानकारी दिए।</p><p>
</p><p style="text-align: justify;">भारतको बरौलीदेखि काठमाडौँको बालाजु जाँदै
गरेको युपी ७५ एजे ५२०८ नम्बरको एलपी ग्यासको बुलेट आफै अनियन्त्रित भएर
सडकबाट २० मिटर तल पल्टिएको हो ।</p><p>
</p><p style="text-align: justify;">गीता बेनिघाट रोराङ –५ का वडा सदस्य समेत
हुन् । चन्द्रोदय माविको कक्षा ११ को फर्म भर्न जाँदै गर्दा शाखा सडकमा
हिडिरहेका उनीहरुको ग्यास बुलेट पल्टिदाँ मृत्यु भएको हो । ग्यास बुलेटका
चालक भारत बस्ने २६ वर्षका भोला कुमार बेनिघाट प्रहरीको नियन्त्रणमा रहेको छ
।</p><p>
</p><p style="text-align: justify;">ग्यास बुलेट पल्टिएको ठाउँमा आगलागी हुन
सक्ने सम्भावित घटनालाई मध्यनजर गर्दै नेपाल प्रहरी, शसस्त्र प्रहरीको टोली
तथा नीलकण्ठ नगरपालिकाको दमकल घटनास्थलमा परिचालन गरिएको जिल्ला प्रहरी
कार्यालय धादिङले जानकारी दिएको छ । घटनास्थलमा धादिङका प्रमुख जिल्ला
अधिकारी भागीरथ पाण्डे, एसपी डम्बर बिक लगायतको टोली समेत पुगेका छन् ।</p><p><br></p>