नुवाकोटबाट हराएका पाँच किशोरी सुर्खेतमा भेट्टिए, कसरी र कस्ले पुर्यायो त्यहाँ ?

<p align="justify">२४, कात्तिक, नुवाकोट । नुवाकोटबाट हराएका पाँचजना किशोरीलाई घरमा बन्धक बनाएको अवस्थामा सुर्खेत प्रहरीले उद्धार गरेको छ ।<br><br>गत बुधबार लक्ष्मीपूजाको दिन देउसी खेल्न भनी घरबाट हिँडेका १३ देखि १६ वर्ष उमेरसम्मका ती किशोरीलाई सुर्खेत प्रहरीले उद्धार गरी कारवाहीका लागि आज नुवाकोट पठाएको जिल्ला प्रहरी कार्यालय नुवाकोटका प्रहरी प्रमुख (प्रहरी उपरीक्षक) वसन्त कुँवरले जानकारी दिनुभयो ।<br><br>उहाँका अनुसार सुर्खेतको भेरीगङ्गा नगरपालिका–१२ का निर्मल विश्वकर्माको घरमा बन्धक बनाएर राखेको अवस्था प्रहरीले उनीहरुलाई शुक्रबार उद्धार गरेको हो । किशोरीहरुको उद्धारपछि बन्धक बनाउने विश्वकर्मालाई नियन्त्रणमा लिएर कारवाहीका लागि त्यहाँको प्रहरीले नुवाकोटतर्फ पठाएको हो ।<br><br>शुक्रबार राति यहाँबाट गएका पीडित किशोरीका अभिभावक र प्रहरीले आज त्यहाँबाट बन्धक बनाउने विश्वकर्मा र किशोरीलाई नुवाकोटतर्फ ल्याइरहेका छन् । <br></p>