दलबहादुर र ललितमानले स्वास्थ्य चौकीलाई एक करोड २० लाखको जग्गा दिए

<p align="justify">३ असोज, नुवाकोट । तारकेश्वर गाउँपालिकाको वडा नं. ५ गोस्र्याङमा रहेको गोस्र्याङ स्वास्थ्य चौकीलाई स्थानीयवासीले दुई बाबुछोराले करोड भन्दा बढी पर्ने जग्गा निःशुल्क प्रदान गरेका छन् ।</p><p align="justify"><br>स्वास्थ्य चौकीको नयाँ भवन निर्माणका लागि तारकेश्वर गाउँपालिका वडा नं ५ साविक गोस्र्याङ गाविसको वडा नं. ८ का ७२ वर्षका दलबहादुर लामा र उहाँको छोरा ललितमानले दुई-दुई रोपनी जग्गा प्रदान गर्नुभएको हो । </p><p align="justify"><br>&nbsp;जग्गा दाताले जिल्ला मालपोत कार्यालय नुवाकोटमा आएर स्वास्थ्यचौकीको नाममा चार रोपनी जग्गा दर्ता गरिदिएको स्वास्थ्य चौकीका इञ्चार्ज प्रेम रोकायले जानकारी दिनुभएको छ । उहाँहरुले प्रदान गर्नुभएको जग्गाको मूल्य जिल्ला मालापोत कार्यालयको सरकारी दररेट अनुसार एक् करोड २० लाख रुपैयाँ रहेको छ । </p><p align="justify"><br>&nbsp;&nbsp;&nbsp; अहिले स्वास्थ्यचौकी भएको स्थानमा नयाँ भवन निर्माणको लागि जग्गा अभाव भएपछि स्वास्थ्यचौकी नजिकै पर्ने जग्गाधनीले जग्गा उपलब्ध गराएपछि भवन निर्माणको लागि सहज भएको स्वास्थ्य चौकी व्यवस्थापन समितिका अध्यक्ष तथा वडा नं. ५ का वडाअध्यक्ष समेत रहनुभएका चुडामणिप्रसाद गजुरेलले जानकारी दिनुभएको छ । </p><p align="justify"><br>तीन नं. प्रदेश सरकारको सामाजिक विकास मन्त्रालयबाट स्वास्थ्यचौकी भवन निर्माणका लागि चालु आर्थिक वर्षमा दुई करोड रुपैयाँ बजेट विनियोजन गरेकाले जग्गा प्राप्त भएकाले अब नयाँ भवन निर्माणको काम अघि बढाउने उहाँले बताउनुभएको छ ।</p><p align="justify"><br>अहिले भएको भवन साढे तीन वर्षअघिको विनासकारी भूकम्पले क्षतिग्रस्त बनाएको र प्रयाप्त स्थान समेत नहुदाँ सेवा प्रवाहमा किठनार्इृ हुदै आएकाले नयाँ भवन निर्माणपछि स्वास्थ्य सुधारमा सहयोग पुग्ने स्वास्थ्य चौकीका इञ्चार्ज रोकायले जानकारी दिनुभएको छ ।<br>उहाँको अनुसार स्वास्थय चौकीमा रहेका दुई जना अनमी पदको कर्मचारी नहुदाँ प्रसुती सेवा केन्द्र सञ्चालन गर्न कठिनाई हुदै आएकाले अहिले कायम भएका समस्या नयाँ भवन निर्माण पछि समाधान हुने विश्वास गरिएको छ । </p><p align="justify"><br><br></p>