21.12¡ÆC
<p>काठमाडौँ ।</p><p>जनसंख्या तथा वातावरण मन्त्री लालबाबु पण्डितले मापदण्ड विपरीतका होटल, अस्पताल तथा कम्पनीलाई कारवाही थालेका छन् ।</p><p>वातावरण प्रभाव मूल्यांकन ईआईए नगरी सञ्चालन भएका ठूला होटल र उद्योगलाई कारबाही स्वरुप पहिलो चरणमा मन्त्री पण्डितले जरिवाना तिराएका हुन् ।
मन्त्री पण्डितका स्वकीय सचिव ओसिम आलमका अनुसार पहिलो चरणमा ईआईए नगरेका उद्योग प्रतिष्ठानलाई कारबाही गरिएको बताए ।</p><p>‘मन्त्रीज्यूले प्रदूषण नियन्त्रणका लागि मन्त्रालयबाट गर्ने कामलाई तुरुन्त अघि बढाउनू भन्ने निर्देशन दिनुभएको छ,’उनले भने ।
मन्त्रालयका स्रोतका अनुसार सोल्टी सिटी अपार्टमेन्ट रविभवनलाई एकलाख रुपैयाँ जरिवाना तोकिएको छ भने तत्कालै ईआईए प्रक्रिया अगाडि बढाउने निर्देशन दिइएको छ ।</p><p>ईआईए नगरी क्षमता विस्तार गरेको बत्तिसपुतलीस्थित द्वारिका होटललाई पनि एकलाख रुपैयाँ जरिवाना तोकिएको छ भने तत्कालै ईआईए प्रक्रिया अगाडि बढाउन भनिएको छ ।</p><p>भवन निर्माण गर्दा ईआईए नगरेको सिटी होटल रविभवन र काठमाडौं गेस्ट हाउस ठमेललाई पनि एकलाख रुपैयाँ जरिवाना र तत्कालै ईआईए प्रक्रिया अगाडि बढाउन निर्देशन दिइएको छ । दाङमा उद्योग स्थापना गर्ने गरी ईआईए गरेर आबुखैरेनीमा उद्योग खोलेको अरनिको आबुखैरेनी सिमेन्ट तनहुँलाई ५० हजार जरिवाना तोकिएको छ ।</p><p>मन्त्रालयका अनुसार मापदण्डविपरीत उद्योग सञ्चालन गर्ने कमला रोलिङ मिल टंकिसिनुवारी र काठमाडौं दुग्ध वितरण आयोजना काठमाडौंलाई ५० हजार रुपैयाँ जरिवाना तोकिएको छ ।</p><p>वातावरण मन्त्रालयले मापदण्डविपरीत ईआईए नगरी सञ्चालित नेपाल नेसनल हस्पिटल कलंकी, मैत्री बाल अस्पताल, काठमाडौं मोडल अस्पताल पुतलीसडक र काठमाडौं अस्पताल त्रिपुरेश्वरलाई कारबाही अगाडि बढाउन स्वास्थ्य मन्त्रालयलाई पत्राचार गरेको छ ।</p>
