तीन नम्बर प्रदेशको राजधानी हेटौंडाबाट बनेपा सार्ने तयारी

<p><span style="line-height: 1.42857;">चितवन ।</span><br></p><p>शेरबहादुर देउवा सरकारले हचुवाका भरमा प्रदेश नं ३ को राजधानी हेटौंडा घोषणा गरेपछि वर्तमान सरकारले प्रदेश राजधानी परिवर्तनको तयारी गरेको छ ।</p><p><br></p><p>प्रदेश ३ नम्वरका भौतिक योजना तथा पूर्वाधार मन्त्री केशव स्थापितले प्रदेशको राजधानी बनाउन नयाँ ठाउँको पहिचान भई आन्तरिक गृहकार्य भइरहेको खुलासा समेत गरेका छन् । मन्त्री स्थापितले प्रदेश राजधानी परिवर्तन तयारी गरेको खुलासा गरेपनि ठाउँबारे बताएका छैनन् । श्रोतका अनुसार हेटौंडाबाट परिवर्तन गरेर नयाँ राजधानीको रुपमा बनेपालाई तोक्ने तयारी भएको छ ।</p><p><br></p><p>मन्त्री स्थापितका अनुसार सबै हिसाबले हेटौँडा उपयुक्त नहुने भएकाले नयाँ ठाउँको पहिचान भई तयारी भइरहेको उनले बताए । आज यहाँ पत्रकारहरुसँग कुराकानी गर्दै उनले त्यो ठाउँको बारेमा सार्वजनिक गर्न भने नहुने बताए ।&nbsp;</p><p><br></p><p>उनले भने, “अहिले नै सार्वजनिक गर्यो भने समस्या हुन्छ ।” प्रदेशको केन्द्र पर्नेगरी राजधानी सार्ने तयारी गरिएको ठाउँमा सात लाख रोपनी जग्गा एकै ठाउँमा रहेको र तीन लाख रोपनी वन रहेको पनि उनले बताए । ५० हजार रोपनी खोलाले खाएको जग्गा पनि रहेको भन्दै उनले भने, “त्यहाँ १४र१५ करोड लिटर पानी भण्डारण गर्न मिल्छ जसबाट १० लाख जनतालाई खानेपानी पुग्छ ।”&nbsp;</p><p><br></p><p>तीसवटा महत्वपूर्ण पूर्वाधार बनाउने बताउँदै उनले प्रदेशको जुन ठाउँबाट पनि चार घण्टाभित्र राजधानी पुगिने बताए । जग्गा व्यवसायीले जग्गा किनेर अस्तव्यस्त पार्ने भएकाले तत्काल सो ठाउँ सार्वजनिक गर्न नमिल्ने भन्दै उनले आउँदो चार महिनाभित्र राजधानी सर्ने बताए ।&nbsp;</p><p><br></p><p>उनले भने, “निर्णय भएपछि तत्काल सार्छौँ । पूर्वाधार मन्त्री म आफैं भएकाले मैले तयारी गरिरहेको छु । आन्तरिक काम भइरहेको छ ।” मुख्यमन्त्रीको कार्यालय, मन्त्रालय, सांसद भवन कहाँ राख्ने भन्ने विषयमा गृहकार्य भइरहेको पनि उनले बताए । राजधानी सरेसँगै प्रदेशको नामाकरण गरिने पनि मन्त्री स्थापितले बताए । &nbsp;आउँदो पाँच वर्षमा पूर्वाधारका क्षेत्रमा जनताले महशुस गर्न सक्ने गरी आमूल परिवर्तन हुने पनि उनले बताए ।&nbsp;</p>