यतीसम्म सरकारी गाडी दुरुपयोग

<p><span style="line-height: 1.42857;">काठमाडौं ।</span><br></p><p>परराष्ट्र मामिला अध्ययन प्रतिष्ठानको कार्यालय प्रयोजनार्थ प्रयोगमा रहेको बा १ झ ५४६६ नम्बरको सरकारी गाडी दुरुपयोग हुँदै आएको छ ।</p><p><br></p><p>सो गाडी कार्यालय अघि पछि र सार्वजनिक बिदाको दिनमा समेत प्रतिष्ठानकी उपकार्यकारी निर्देशक डा। इन्द्रकुमारी अधिकारीको बूढानीलकण्ठस्थित निवास परिसरमा भेटिन्छ ।</p><p><br></p><p>अधिकारीलाई त्रिपुरेश्वरस्थित कार्यालयमा ल्याउन, पुर्याउन प्रतिष्ठानले छुट्टै चालक खटाएको छ ।</p><p><br></p><p>तर, चालकले उहाँसहित सरकारी गाडीलाई निजी साधनसरह निवासमा छाडेर फर्किने गरेका छन् । आजको नेपाल समाचारपत्रको पहिलो पृष्ठमा यो खबर छ ।</p><p><br></p><p>प्रतिष्ठानका एक कर्मचारीले भने-'३-४ महिना भयो उहाँ 'अधिकारी'ले चड्ने गाडी प्राय बूढानीलकण्ठतिरै हुन्छ, अरु गाडी चाहिँ बिदाको दिनमा पनि कार्यालयमा राख्ने गरिएको छ ।'</p><p><br></p><p>परराष्ट्र मन्त्रालय मातहतको सो कार्यालयमा गत बर्ष उपकार्यकारी निर्देशकको राजनीतिक नियुक्ति लिनुभएकी अधिकारी उपसचिवस्तरकी कर्मचारी हुनुहुन्छ ।</p>