मान्छेको टाउको काटेर ल्याउनेलाई १० दिने घोषणा गर्ने खोरमा

<p>२६ जेठ, दोलखा ।<br>गौरीशङ्कर संरक्षण क्षेत्रका प्रमुख सत्यनारायण शाहको टाउको छिनाई ल्याउनेलाई १० लाख पुरस्कार दिने भन्दै फेसबुक स्टाटस लेख्ने दोलखा लादुक गाविस वडा नम्बर ७ का शान्त केसीलाई जिल्ला प्रहरी कार्यालय दोलखाले पक्राउ गरी विद्युतिय कारोबार ऐन (साईबर क्राईम) अनुसार कार्वाहि प्रकृया अगाडि बढाएको छ ।<br><br>लादुक गाविसमा रहेका सामुदायीक बनहरुबाट भुकम्प पीडितले काठ कटान गर्न खोज्दा गौरीशङ्कर संरक्षण क्षेत्रले अनुमति नदिएको आरोप सहित गत बैशाख १३ गते स्थानियले संरक्षण क्षेत्रको सिंगटी कार्यालयमा तोडफोड तथा आगजनि गरेका थिए ।<br><br>सो तोडफोड र आगजनि लगतै संरक्षण क्षेत्र प्रमुख शाहको जाहेरीको आधारमा प्रतिवादी शान्त केसी लगाएतको नाममा केहि सार्वजनिक अपराध मुद्धा दर्ता भएको थियो ।<br><br>सार्वजनिक अपराधमा मुद्धा दर्ता भएपछि फरार रहेका शान्त केसीले आफ्नो फेसबुट स्टाटसमा संरक्षण क्षेत्र प्रमुख शाहको टाउको छिनाई ल्याउनेलाई १० लाख पुरस्कार दिने कुरा लेखेपछि उनलाई पक्राउ गरी विद्युतिय कारोवार ऐन २०६३ अनुसार दोलखा जिल्ला अदालतबाट म्याद थप गरी आवश्यक अनुसन्धान सुरु गरिएको प्रहरी निरीक्षक विनोद सुनुवारले जानकारी दिनु भयो ।<br><br>४३ बर्षिय केसीले जेष्ठ ११ गते उक्त कुरा लेखि फेसबुक स्टाटस पोष्ट गरेका थिए । सरक्षण क्षेत्र तोडफोडको आरोपमा यस अघि प्रहंरीले स्थानिय कुमार खड्का, लोकराज पाठक लगाएतलाई पक्राउ गरी तारेखमा छोडेको छ ।<br></p>