इस्लामहरुको पवित्र 
रमजान पर्ब सुरु

<p>२६ जेठ, काठमाडौं ।<br>इस्लाम धर्मालम्बीहरुको पबित्र महिना रमजान शरीफ प्रारम्भ भएको छ ।</p><p>इस्लामी परम्परा अनुसार यस महिनाको प्रारम्भदेखि अन्त सम्म इस्लाम धर्मालम्बीहरु दिनभर अन्न जलका साथै सम्पूर्ण खाने र पिउने कुराहरु त्यागी उपबास गर्दछन् जसलाई रोजा भनिन्छ ।<br><br>मंगलबारबाट सुरु पर्व अन्र्तगत रोजाको समयमा बिशेष प्रार्थना एबं धर्मग्रन्थ कुराआनको पाठ गर्नुका साथै अनुचित र अनैतिक काम कुराहरुबाट टाढा रहनु पर्ने मान्यता छ ।<br><br>मुसलमानहरुले यो महिनालाई आत्मशुद्धी र संयमको साथै बर्ष भरीको लागी व्यवहारिक तालीमको महिना ठान्दछन् ।<br><br>यस महिनाको अन्तपछी भोलिपल्ट मुसलमानहरुको प्रसिद्ध चाड ईदूल फित्र मनाईन्छ ।<br><br></p>