अख्तियारद्धारा अकुत सम्पत्ति थुपारेका २ सय सरकारी अधिकारीमाथि छानविन

<p><span style="line-height: 1.42857;">काठमाडौं ।</span><br></p><p>लोकमानसिंह कार्कीलाई महाअभियोग लगाएर हटाएपछि सुस्त देखिएके अख्तियार दुरुपयोग अनुसन्धान आयोग केही सक्रिय हुन थालेको छ ।</p><p><br></p><p>भ्रष्टाचार गरि अकुत सम्पत्ति आर्जन गरेको ठानिएका २ सय बढी उच्च सरकारी अधिकारीमाथि अख्तियारले विस्तृत छानविन थालेको छ ।</p><p><br></p><p>अवकासप्राप्त र वहालवालासहित ठूलो संख्याका उच्च अधिकारीविरुद्ध अख्तियारले अनुसन्धान थालेको हो ।</p><p><br></p><p>अख्तियारले सुरक्षा निकाय, सिंचाइँ, खानेपानी, सडक, भौतीक पूर्वाधार तथा यातायात, अर्थ, स्वास्थ्य मन्त्रालय सहित विभिन्न विभागका उच्च अधिकारीको सम्पत्ति छानविन थालेको हो ।</p><p><br></p><p>अख्तियारको अकुत सम्पत्ति छानविनमा ४० जना इन्जिनियर, २० जना सुरक्षा निकायका उच्च पदस्थ अधिकारी र पाँच जना सचिवसमेत तानिएका छन् ।</p><p><br></p><p>सार्वजनिक संस्थानका प्रमुखहरु सहित डाक्टरहरु समेत भ्रष्टाचारमा संलग्न भएको पाइएपछि छानविनमा तानिएका छन् ।</p><p><br></p><p>अख्तियार अन्तर्गतकै ‘इन्टेलिजेन्स एजेन्सी’ले दिएको रिर्पोटका आधारमा अख्तियारले छानविन थालेको हो ।</p><p><br></p><p>अख्तियारले आइतबार मात्र पूर्वप्रहरी प्रमुख उपेन्द्रकान्त अर्याल, सचिव गजेन्द्रकुमार ठाकुर लगायतका चार अधिकारीसँग बयान लिएको थियो । अख्तियारले ट्रान्सर्फमर खरिद काण्डमा पूर्वमूख्यसचिव राजेन्द्रकिशोर क्षेत्री, पूर्वसचिव विश्वप्रकाश पण्डित, र हालका सचिव अर्जुन कार्कीको बयान लिएको छ ।</p><p><br></p><p>अर्थ मन्त्रालय अन्तर्गतको राजश्व न्यायाधिकरण, भन्सार भन्सार कार्यालय, क्षेत्रीय डिभिजन कार्यालय, सडक डिभिजन, स्वास्थ्य, तत्कालिन स्थानीय निकायका अधिकारीहरू पनि छानविनमा परेका अख्तियार स्रोतले बताएको छ ।</p><p><br></p><p>यसअघि अख्तियारले अकुत सम्पत्ति आर्जनमा एक हजार पाँच सय सरकारी अधिकारीको नाम छानविनका लागि तयार गरेको सार्वजनिक भएको थियो । त्यसबाट नाम छोट्याएर हालका लागि २ सय भ्रष्टाचारमा संलग्न ठानिएकाहरुमाथि छानविन थालेको हो ।</p>